JAKARIA 9:1 - Tanou Moonsoi Timugon

¹ Gitio noyo tanou ru Tuhan. Nangukum Io ra pagun Gadrak am bandar Damsyik. Sala' ka ayuk bansa'-bansa' ru Israil, kaa' pusor bandar ru pagun Siria niayuk longgom ru Tuhan.

JAKARIA 9:1 ပူးပေါင်းရင်းမြစ်များ

KASAUKAN 14:15

Giu' no tinayar ri Abram ulun-ulun nano ra kukula' ngantayaran am ongoyo' bulunsaro' paat ra rondom am kinala nilo. Inilou no ilo polos ra Goba tampilon ralayo ru bandar Damsyik.

2 TUNUNG RU BANSA' ISRAIL 20:12

Okou no i Aki Kapuuno' mai! Ukumi' noyo ilo, sabap ra kalo maikang akai manggal ra saujor maayo ondo' mamulunsar ramon. Kalo makapandai akai atan musiti' mai baalon, kaa' matong akai Rirun makiindangan.”

MAZMUR 145:15

Ngaangai' ilo ondo' maayag ra binaal Muno malansan Rirun, am bulintok no masuku' ra paakanon Mu ilo.

MAZMUR 25:15

Magail aku malansan ra pangindanganan ru Tuhan, am bayagon No aku intor ra makalalaa' no.

JISAYA 13:1

Gitio noyo tanou ri Aki Kapuuno' koson ra Babil ondo' inapu ri Jisaya anak ri Amos.

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

AMOS 1:9

Indagu Tuhan, “Mamagun ru Tirus ruruli' noyo makatula, ginio ra maaru' ukumin Ku ilo. Nagibit ilo ra ngaangai' ulun intor ra rondo' bansa' giu' ra pamatiran ra pagun ru Idom; kalo nanugut ilo ra nabantuan ru pabukatan ondo' binaal nilo.

AMOS 3:12

Indagu Tuhan, “Koson ra sangulun magagalung ondo' nakaalap ruo kalayam kapoam santalingaan ru domba nano ondo' sinaam ru singa', koson raginio niayuk ondo' masauk; sanganu ayuk ulun maayag ra gino ngai' ru mamagun Samaria ondo' raino liminuya' ra intok kaalangan ondo' moonsoi kaga'.”

NAGUM 1:1

Gitio noyo tanou intor ri Aki Kapuuno' intor ra bandar Niniwi. Tanou ti pinabala' ralalom pinaintalang ri Nagum, sangulun nabi intor ra Ilkos.

JAKARIA 5:4

Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”

MALIAKI 1:1

Gitio noyo tanou ru Tuhan ri Maliaki koson posoboyon ra ulun ru Israil.