JAKARIA 8:8 - Tanou Moonsoi Timugon

⁸ am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

JAKARIA 8:8 ပူးပေါင်းရင်းမြစ်များ

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 23:8

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo, am intor ra ngaangai' pagun ra bokon intok Kuno nampatuliar risilo. Ilo pana mayan boo ra namagunan nilo galama'.”

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 31:1

Indagu Tuhan, “Masaboi paat ra Aku masauk ri Aki Kapuuno' ra ngaangai' bansa' ru Israil, am ilo masauk ra ulun Kuno.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:41

Mabaya' ra guang makaansuk mambaal Aku ra moonsoi risilo, am palayunon Ku ilo ra pagun ti ra sabubuoi no.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

YEHEZKIEL 36:28

Mayan kau boo ra pagun ondo' tinaakan Kuno ra kinamatuaan mini. Akau masauk ra ulun Kuno, am Aku masauk ri Aki Kapuuno' min.

YEHEZKIEL 36:33

Indagu Tuhan Raja', “Mopongo Takamin maimpasawan intor ra ngaangai' tula mino, iowon Takamin mayan poyo giu' ra bandar-bandar mino, am mamuna' ra nangalunsai no.

YEHEZKIEL 37:25

Mamagun ilo ra pagun ondo' tinaakan Kuno ri Jakub, ulipon Kuno, giu' ra pagun inayanan ru kinamatuaan nilo. Ilo am papag nilo mayan ra giu' ra sabubuoi no. Sangulun raja' koson ri Daut, ulipon Kuno mamarinta risilo ra sabubuoi no.

YEHEZKIEL 37:27

Sumimpung Aku risilo. Masauk Aku boo ri Aki Kapuuno' nilo am masauk ilo boo ra ulun Kuno.

GOSIA 11:11

Intor ra Misir mansiab ilo mongoi Raki' koson ra kinataki' ru susuit, am intor ra Asyur koson ra susuit asang. Ibiton Ku ilo muli' ra baloi nilo saguli'. Aku, Tuhan nakaindagu noyo.”

JOIL 3:20

Mansuli' Aku ra bala nilo ondo' pinatoi; kalo mompoloso Aku ra ulun ondo' makasala no makalabus. Kaa' Jiuda am Jirusalim ayanin ru ulun ra sabubuoi no, am Aku, Tuhan mayan giu' ra Bulur Sion.”

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

JAKARIA 10:10

Intor ra Misir am Asyur, ibiton Ku ilo muli', am mampaayan risilo giu' ra pagun nilo galama'. Paayanon Ku ilo giu' ra Giliad am giu' ra Libanon; titikop ru pagun no nososok ra mamagun.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.