JAKARIA 8:17 - Tanou Moonsoi Timugon

¹⁷ Pai' pangatang ra baal malaat ra akau po ngai'. Pai' indagu ra ibot kalo motopot. Masisang Aku ra magabau, kalo matimpok am kalaatan.”

JAKARIA 8:17 ပူးပေါင်းရင်းမြစ်များ

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

AMSAL 3:29

Pai' kau pangatang ra baal ondo' mantipagon ra pasambalayan mino, minayan io ra sambalayan mino am mangintopot io ramuyun.

AMSAL 6:14

liliwa' ra ilo mangatang ra kalaatan am karaan nilono nakalayau. Mambaal ilo ra sasou ra ati-ati intok.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

JAKARIA 7:10

Pai' imboloo' ruandu' napuor, anak nailusan ra matuo, ulun bokon ondo' minayan ra tatanga' min, kapoam osoi ayuk ondo' ralalom ru kapaganan. Pai' pangatang ra baal ondo' malaat ra ulun ru akau po ngai'.’

JAKARIA 8:18

Nangani' Tuhan Ondo' Maayo Kaga' Kuasa' ri Jakaria ra tanou ragitio,

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 12:35

Ulun moonsoi mampasalula' ra paliso moonsoi intor ra ralalom no, sabap ra io ti moonsoi. Ulun malaat mampasalula' ra paliso malaat intor ra ralalom no, sabap ra io ti malaat.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.