JAKARIA 8:12 - Tanou Moonsoi Timugon

¹² Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

JAKARIA 8:12 ပူးပေါင်းရင်းမြစ်များ

KASAUKAN 26:12

Pagitanom i Isak ra sampug ra pagun raginio am bilor raginio niayuk nangkumos io ra maatus kinauli' no intor ra tinanom nano, sabap ra binarakat io ru Tuhan.

KASAUKAN 27:28

Gama' ru manaak i Aki Kapuuno' rirun ra bolobou intor ra limbowon am manaak rirun ra tana' mangalabung! Gama' ru manaak Io rirun ra gandum am niayuk wain ra masuang kaga'.

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

MAZMUR 72:3

Gama' ru pagun ragitio lumangkaya', am makaliman ra katimpakan.

MAZMUR 85:12

Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

AMSAL 19:12

Sangit ru raja' koson ra sangal ru singa', kaa' kinoonsoi nano koson ra bolobou mamasa' ra tatanom.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

YEHEZKIEL 34:28

Bansa'-bansa' ondo' kalo nakaulig Raki' kalo boo mongoi pantakou ra ulun Kuno, am bibiag masigo pana kalo mamatoi am mangakan risilo. Moonsoi kaayagan nilo, am kolondo' osoi pana mampalalaa' risilo.

YEHEZKIEL 36:12

Ibiton Takamin, Israil ulun Kuno muli' maa' raginio makaayan kau poyo ra pagun no. Pagun no masauk ra longgom min, am masalok mangani' ra ampos nano maa' raginio anak-anak mino kalo matoi ra maitilan.

YEHEZKIEL 36:30

Ruangin Ku ampos ru puun kinawa' am ampos ru umo mino, maa' raginio kolondo' boo bitilan ondo' mampauyu' ramuyun ra gino ngai' ru bansa'-bansa'.

YEHEZKIEL 36:9

Manaung Aku ramuyun. Tutunon Takamin maa' raginio tana' min raduon am tanamin saguli' ra sampug.

GOSIA 13:3

Ginio ra lumiot ilo koson ra gaun mapulak kapoam bolobou paat ra susuab ti. Masauk ilo koson ra apol ondo' siabin ru angin intor ra intok pangagikan ra gandum, am koson ra lisun ondo' miningkual intor ra intok no.

GOSIA 14:5

Indagu Tuhan, “Ulun Kuno ondo' timinalansiang ibiton Ku saguli'. Tagamin Ku ilo ra sotopot ru guang, sabap ra kalo boo sumangit Aku risilo.

JOIL 2:19

Tumaam Io risilo, “Raino masaga' Aku mangani' ramuyun ra gandum, wain am umau jaitun, am basugon kau. Bansa'-bansa' ra bokon kalo boo magasab ramuyun.

JOIL 2:22

Akau bibiag, pai' kalaa', sabap ra padang sakot raino masansam, puun mangkawa', am kawa' ru ara am niayuk kawa' ru anggur pana masuang.

IMAMAT 26:3

“Amon ru maayag kau sumugut ra ukum Kuno am gumagaya' ra susuban Kuno,

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

AGAI 1:10

Ginio sabap no ra rasam kalo rumatu' saboi kolondo' tinanom ondo' tumuu'.

AGAI 2:18

Paat ra orou raiti', orou karuo ngoopor am apat ra sila' kasiam, batu maatang ra Baloi Kuno nopongo pinabanta'. Ilai' noyo atan ondo' masauk intor raino.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

JAKARIA 8:6

Baal raginio kalo makaimuag ra ulun ondo' lakat poyo naayag intor ra bansa' ragitio, kaa' kalo makaimuag Raki'.

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

1 KORINTUS 3:21

Sabap raginio, pai' kau limbau ra kapandayan ru ulun, sabap ra ngaangai' no pinataak noyo ramuyun ri Aki Kapuuno':

SAGULION 32:2

Pangilaan kuno rumatu' koson ra timug ru rasam, am masauk koson ra bolobou rasawat ru tana'. Ragu ku rumatu' koson ra rasam ondo' manguas ra tatanom mamulok, am koson ra rasam manulabuk ondo' rumatu' ra ralimbou ru sakot.

SAGULION 33:13

Intor ra papag ri Jusup, indagu io, “Gama' ru mambarakat Tuhan ra tana' nilo ra rasam, am ra timug intor ra ragana' ru tana'.

SAGULION 33:28

Ginio ra papag ri Jakub maayag ra mamimio; makakaansayan ilo giu' ra tana' ondo' napanu' ra wain am gandum; am basaan tana' no ru bolobou intor ra limbowon.

JAKUBUS 3:18

Amon ru unor ru pabansayan tonomon ru ulun ondo' motogom ra pabansayan, kaansayan niayuk kumoson no.