JAKARIA 8:10 - Tanou Moonsoi Timugon

¹⁰ Kalo poyo raginio, kolondo' ulun ondo' makaandar mampagaji' kapoam mampasiwa' ra bibiag, am kolondo' ulun ondo' makaliman ra mamimio intor ra ulisoon ru pantula'. Nangkinibit Aku ra ulun mansasangor.

JAKARIA 8:10 ပူးပေါင်းရင်းမြစ်များ

JISAYA 19:2

Mindagu Tuhan, “Singkualon Ku pangayawan ra gino ngai' ru Misir: pabukat manggal ra pabukat, pasambalayan manggal ra pasambalayan, bandar manggal ra bandar, am raja' manggal ra raja' koson mampagaau ra kuasa'.

JIRIMIA 16:16

Indagu Tuhan, “Piawon Ku masuang ulun mangimpait koson mamparakop ra bansa' ragitio. Piawon Ku boo masuang ulun mampalula' koson mampalula' risilo giu' ra moonong gunung am bulur, am niayuk giu' ra luang-luang batu ru bulur batu.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”

AGAI 2:15

Indagu Tuhan, “Ilai' noyo atan ondo' nasauk noyo ra kalo poyo orou raiti', paat ra Baloi Kuno kalo poyo pinuna'? Ati kulaan kia baal min paat ragili?

TINGGANAI RU BANSA' 5:11

Rongogo' noyo! Ulun masuang ra liput ru tulubong Tatanga' mampatanou ra kamanangan ru Tuhan, kamanangan ru ulun ru Israil! Ulun ru Tuhan pana baris tumuun intor ra bandar-bandar nilo.