JAKARIA 7:9 - Tanou Moonsoi Timugon

⁹ “Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

JAKARIA 7:9 ပူးပေါင်းရင်းမြစ်များ

2 SAMUIL 9:7

Indagu Raja' Daut riso, “Pai' kalaa'. Mataau aku rirun sabap ri Jonatan, ama' muno. Mangani' aku rirun saguli' ra ngaangai' tana' ondo' ragili linonggom ru aki muli Raja' Saul. Magail kou kimaitin mangakan ra mija' kuno.”

AYUP 31:20

aniin ku io ra bayang intor ra bulu ru domba kuno galama', am io pana totopot mongompor raki'.

AYUP 6:14

Paat ra kapaganan koson ragitio, mompogogot aku ra rangan ondo' motopot, tawa ru lakat aku poyo gumagaya' ri Aki Kapuuno' kapoam nangiruan noyo Riso.

AMSAL 21:3

Binaal ra moonsoi am matimpok mapabansuk ra guang ru Tuhan ka taak simbalui ra pataakon.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

JIRIMIA 7:5

Kulawo' baal ru kaayagan am paliso min. Katimpok no ra rondo' am bokon.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

YEHEZKIEL 45:9

Indagu Tuhan Raja', “Akau ngaangai' ondo' mamarinta ra Israil, makatula kano ra nabuoi noyo. Langgai' pangimbalaan am binaal ondo' malaat. Baalo' ondo' motopot am matimpok. Totopot pai' boo pagiruo' ulun Kuno intor ra tana' nilo. Aku, Tuhan Raja' nakaindagu noyo ramuyun.

GOSIA 12:7

Ginio ra, akau papag ri Jakub, pangintopot kano ri Aki Kapuuno', am saguli' kano Riso. Kaayag kano ra matikop ra togom am baalo' ondo' matimpok, am inaani' ra guang tumaan saboi i Aki Kapuuno' min mimbuor.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

AMOS 5:24

Kaa', pirot kano maa' raginio katimpakan tumilis koson ra sungoi, am kabanisan ru guang tumilis koson ra timug ondo' kalo igondo' mapua'.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

JAKARIA 7:7

Ginio noyo ondo' rinagu ru Tuhan ondo' pinabala' galing ra nabi-nabi ra galing i, paat ra Jirusalim lakat poyo inayanan am mamagun nano langkaya'. Paat ragili ulun sala' ka ayuk minayan giu' ra pekan-pekan ra liliut ru bandar, kaa' niayuk giu' ra tampilon rabugus am giu' ra pipilon toojo ru bulur giu' ra tampilon ra kalasaan.

JAKARIA 7:8

Nangani' Tuhan ra tanou ti ri Jakaria,

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

LUKAS 11:42

Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.

JUANIS 7:24

Langgai' min noyo mangakim ra ulun maya' ra atan ondo' makito ayuk, kaa' akimi' min noyo maya' ra atan ondo' motopot.”

JUANIS 7:51

“Sumugut ra Ukum ri Musa, kalo makapangukum takau ra sasangulun ru kalo poyo morongog ragu nano am niayuk mapandayan takau atan binaal nano.”

SAGULION 22:1

“Amon ru mokoondo' nakalayau ra sapi' kapoam domba, ondo' tatangan no ulun sabansa' muno, am nakito mu bibiag no, pai' itambingai ra kalo nakapandai, kaa' ibito' noyo saguli' bibiag no ra tatangan no.