JAKARIA 6:6 - Tanou Moonsoi Timugon

⁶ Kurita' kuda ondo' binunduk ru kuda maitom sumuku' ra Babilonia giu' ra ralayo. Kuda mapulak sumuku' ra kalasaan am kuda ondo' tangkakalut sumuku' ra pagun giu' ra rabugus.

JAKARIA 6:6 ပူးပေါင်းရင်းမြစ်များ

JISAYA 30:6

Ginio noyo tanou ri Aki Kapuuno' intor ra bibiag giu' ra tampilon ra rabugus, “Duta-duta minugar nansail ra pagun ondo' makalalaa', ondo' inayanan ru singa', kukuo mabisa', am tambuakal ra mapandai mansiab. Kaladai am unta napasakayan nilo ra tangguang ondo' mologo koson pataakin nilo ra bansa' ondo' kalo makapangindangan risilo.

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 4:6

Panulu' no ra ralan mongoi ra Sion! Ribaki' bayago' inan! Pai' kalibut! Tatanga' Tuhan maparatong ra karaat am kapusaan maayo intor ra ralayo.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 51:48

Ngaangai' no ra tana' ti am giu' ra limbowon magilakup paat ra pagun ru Babilonia maratu' ra kalindu' ru bansa' intor ra ralayo ondo' matong koson mamuso riso.

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

YEHEZKIEL 1:4

Pantingaa' aku am nakakito ra bagiu' mapuor kaga' minatong intor ra ralayo. Ganit kukurilop intor ra gaun ondo' maayo kaga', am limbowon giu' ra liput nano mapaang kaga'. Bulintok ra ganit no kukurilop, makito rondo' ondo' kukuliat koson ra gangsa'.

DANIL 11:40

“Paat ra maar noyo masaboi pupus ru kakuasaan raja' ru Siria, raja' ru Misir mamulunsar riso. Kaa' raja' ru Siria mambalos ra pamulunsaran no ra ngaangai' ru ikang nano. Raja' ru Siria mamakai ra kurita' kuda, kuda am masuang kapal ru timug. Koson ra rosob, raja' ru Siria mamulunsar ra masuang pagun,

DANIL 11:9

Raja' ru Siria pana mamulunsar boo ra pagun ru Misir, kaa' raja' no kalaan paluguton am rumuli' ra pagun nano galama'.

PINAINTALANG 6:5

Lungkabo' boo ru Anak Domba no segel katalu am korongog ku baal maayag ra katalu no minindagu, “Ibok!” Kakito ku sanginan kuda maitom am ondo' siminakoi no nampaguut ra timbangan.