JAKARIA 6:5 - Tanou Moonsoi Timugon

⁵ Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

JAKARIA 6:5 ပူးပေါင်းရင်းမြစ်များ

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

1 RAJA'-RAJA' 22:19

Kon poyo ri Mika, “Rongogo' ragu ru Tuhan! Nakito ku Tuhan manturung ra kurisi' Nano giu' ra suruga', am ngaangai' ru malaikat Nano minigor ra liput Nano.

AYUP 1:6

Paat ra sangarawan ilo ondo' maayag am minayan ra suruga' minuma' ra Tuhan, am i Manusuk niayuk siminaang nababaya' risilo.

MAZMUR 148:8

akau ganit am rasam batu, ais am gaun, am niayuk bagiu' ondo' gumagaya' ra susuban Nano.

MAZMUR 68:17

Kua intor ra tampak muno ra masuang no tontong muno sumolon ra Bulur Sion ondo' pinili' ri Aki Kapuuno' koson ayanan Nano? Sabuoi-buoi no Tuhan mayan ra giu'.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

JIRIMIA 49:36

Mangkinibit Aku ra angin intor ra ngaangai' intok magangin ra Ilam, am pantutuliaron Ku mamagun nano saboi kolondo' rondo' pagun pana ondo' kalo rinatangan ru ulun nagigiru' intor ra Ilam.

YEHEZKIEL 11:22

Kirub-kirub no tumalimpuun mansiab, am luda'-luda' no pana maya'. Sinda manguliat ondo' tatandu' ru ratangan ri Aki Kapuuno' ru Israil soroi giu' ra rasawat ru kirub-kirub no.

YEHEZKIEL 37:9

Indagu i Aki Kapuuno' raki', “Okou ulun mapandai matoi, indagu ra ragu manala' ra angin. Raguo' ra Tuhan Raja' manusub ra angin maa' raginio matong intor ra moonong intok koson pasampuyon painawo ra ralalom ru inan-inan ti saboi maayag saguli'.”

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

DANIL 7:2

ondo' nakito ku paat ra rondom raginio: Nagangin ra mapuor intor ra ngaangai' intok am nampalamba' ra ralimbou ru raat.

JAKARIA 4:14

Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

JAKARIA 6:1

Nakakito Aku ra pinaintalang ra bokon. Raino ti nakakito aku ra apat kurita' kuda miningkual intor ra ruo gunung gangsa'.

MATIUS 18:10

“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

LUKAS 1:19

Taam malaikat no, “I Gabriil aku. Mangandoi aku ri Aki Kapuuno'. Io nanusub raki' mampasaboi ra pambalaan moonsoi ti rirun.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 1:7

Am intor ra malaikat-malaikat mindagu i Aki Kapuuno' kon ragitio: “Saukon takamin mogondo' ra angin, am ulipon-ulipon Kuno mogondo' ra simbula' ru apui.”

JOSUA 3:11

paat Kaban Nabantuan ru Tuhan ru limbowon am tana' ti, saanin lumaup ra Sungoi Jordan, sumigulu ramuyun.

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.