JAKARIA 6:11 - Tanou Moonsoi Timugon

¹¹ Baalo' rondo' karaun intor ra mas am pirok ondo' pinataak nilono, am pasampako' karaun no ra ulu ri Tingganai Maayo Imam i Josua anak ri Jojadak.

JAKARIA 6:11 ပူးပေါင်းရင်းမြစ်များ

2 SAMUIL 12:30

Inalap ru Raja' Daut karaun ru raja' nilo am kinaraun no. Karaun no ra bagat olo'-olo' 35 ngakilogram am tinakinan ra intan moonsoi. Nagibit niayuk Raja' Daut ra masuang kaga' kuliamos ginaau intor ra bandar no.

IJRA 10:18

Gitio noyo suang ru ungkuyon ondo' makaandu' ra bansa' ra bokon: Imam-imam, nakatulis sumugut ra bansa' nano; Bansa' ri Jisua am pabukat-pabukat nano, iono anak-anak ri Jojadak: I Maasiya, Iliijir, Jarib am Gidalia.

IJRA 3:2

Ginio ra i Jisua anak ri Jojadak am kukula' ngaulun imam ra bokon, i Jirubabil anak ri Sialtiil am pabukat-pabukat nano, nambaal saguli' ra altar ri Aki Kapuuno' ru Israil. Koon raginio noyo ilo nokoponolob ra taak giu' ra rasawat ru altar no sumugut ra panuluan ondo' tinulisan ra ralalom kitab ru Ukum ri Musa, ulipon ri Aki Kapuuno'.

MAZMUR 21:3

Sinugut Mu atan ondo' gogoton nano; iniou Mu atan ondo' kinitaak nali.

KAINGKUALAN 29:6

Pasampakon serban ra ulu nano, am takinin ra bubunga' ondo' makabatik ra ‘Patimpokon ra Tuhan’ ra serban no.

KAINGKUALAN 39:30

Pambaal ilo rondo' pamunga' intor ra mas kopoyo, rondo' tatandu' ondo' matulai ra patimpokon ilo noyo. Ginio ra pamunga' no inukir nilo ragu ragitio: “Patimpokon ra Tuhan”.

RIMBAI PANGAMPARAN 3:11

Ingkual no, alii ralaa-ralaa ru Sion, ilai' min Raja' Salomo. Nangkaraun io ra ondo' pinasampak ru ina' nano, orou ra paguatan nano, orou ra io maansukan.

IMAMAT 8:9

Pasampako' ri Musa serban ra ulu ri Arun, am tampilon ra saang ru serban no patakino' ri Musa limpor mas koson tatandu' patimpokon, koson ra nanusuban ru Tuhan.

AGAI 1:1

Paat ra bilor karuo ra pamarintaan ri Darius koson raja' ru Pirsia, paat ra orou kasaa' ra sila' koonom, mindagu Tuhan ondo' pinasaboi galing ra Nabi Agai. Tanou ru Tuhan no posoboyon ri Jirubabil anak ri Sialtiil, gabenor ru Jiuda, am niayuk ra Tingganai Maayo Imam Josua anak ri Jojadak.

AGAI 1:14

Koson raginio noyo Tuhan nanugog ra guang ri Jirubabil, gabenor ru Jiuda no, Tingganai Maayo Imam i Josua, am ngaangai' ulun ondo' siminaguli' noyo intor ra pamatiran maa' raginio mambaal ra Baloi ru Tuhan Ondo' Maayo Kaga' Kuasa', i Aki Kapuuno' nilo.

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

JAKARIA 3:1

Ralalom ru pinaintalang ra bokon, nanulu' Tuhan ra Tingganai Maayo Imam Josua raki'. Tingganai Maayo Imam Josua tatanga' minigor ra saang ru malaikat ru Tuhan. Tingganai ru riwato ondo' nakatampos noyo koson manguu' ri Josua, minigor ra sapapa' ri Josua.

JAKARIA 3:5

Nanusub io risilo ondo' mangindangan riso mampasampak ra serban mapasau ra ulu ri Josua, am binaal nilo. Ilo pana nampabayang boo ri Josua ra bayang bagu liliwa' malaikat ru Tuhan minigor ra giu' no.

JAKARIA 6:14

Karaun no buliin giu' ra ralalom ru Baloi Kuno koson mapabansuk ri Gildai, i Tobia, i Jidaya am i Josia.”

IBRANI 2:9

Kaa' makito takau i Jisus, ondo' pinainggana' kuasa' Nano intor ra kuasa' ru malaikat ra kukula' ayuk buoi. Maa' boo raginio ralalom ru kataawan ri Aki Kapuuno' matoi Io ra kaatangan ru ngaangai' ulun. Raino makatutun takau ra Io inanian ra kuasa' am urumat sabap ra naimbolo' Io noyo saboi minatoi.

PINAINTALANG 19:12

Mato Nano mapaang koson ra apui am nangkaraun Io ra masuang karaun. Tinulisan Io ra rondo' inggalan ondo' Io galama' ayuk nakapandai ra arati' no.

PINAINTALANG 6:2

Ilai' ku boo sanginan kuda mapulak am ondo' siminakoi no nampaguut ra panah am io ti inanian ra rondo' karaun. Minugar io koson ra sangulun ondo' nangala noyo ra pantula' nano.