JAKARIA 5:4 - Tanou Moonsoi Timugon

⁴ Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”

JAKARIA 5:4 ပူးပေါင်းရင်းမြစ်များ

AYUP 18:15

Raino osoi pana makaayan ra ralalom ru kim nilo, mopongo taukin ra bilirang koson mangiru' ra maruol!

AYUP 20:26

Ngaangai' ondo' tinimung nilo mapuso; apui ondo' kalo pinaangan ru kalindu' ru ulun sumolob risilo am niayuk ngaangai' sasambaloi nilo.

AYUP 8:15

Mapiot kia bunsut no amon ru saukon ra sandigan? Maikang kia banang amon saukon ra guutan?’

AYUP 8:22

kaa' ulun ondo' masisang rirun tauyuon, am intok ayanan ru ulun malaat pusoon.”

AMSAL 3:33

Ulason ru Tuhan no sasambaloi ru ulun malaat, kaa' barakaton No sasambaloi ru ulun gumagaya' Riso.

JISAYA 24:6

Ginio ri Aki Kapuuno' nagulas ra tana' ti. Ulun makaapu ra balos intor ra binaal nilo, am ulun maayag buoi-buoi no kalo boo kukula'.

JIRIMIA 2:26

Indagu Tuhan, “Koson ra mantatakou tinauyu' paat rinakop, koon raginio niayuk ra ulun ru Israil tauyuon, makaaya' raja'-raja' am pagawai-pagawai min, imam-imam am nabi-nabi min.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

GOSIA 4:3

Ginio ra tana' nilo masauk mapua' am ngaangai' ondo' maayag ra rasawat no matoi. Ngaangai' bibiag am susuit, am papait pana matoi.”

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

JAKARIA 5:3

Kopongo raginio indagu io raki', “Giu' ra naskhah rinulun no mokoondo' tinulisan pagulasan ra titikop ru pagun ti. Giu' ra rondo' tayar ru naskhah rinulun no mokoondo' tinulisan ra moonong mantatakou patirin intor ra pagun ti, am giu' ra tayar ru sapapa' ru naskhah rinulun no mokoondo' tinulisan ra moonong ulun ondo' nagibot ra kalo motopot patirin niayuk.

JAKARIA 8:17

Pai' pangatang ra baal malaat ra akau po ngai'. Pai' indagu ra ibot kalo motopot. Masisang Aku ra magabau, kalo matimpok am kalaatan.”

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

SAGULION 28:16

“Kaulas noyo bandar am umo min.

SAGULION 7:26

Pai' pagibit ra rondo' pana sinungkalalaing no ra baloi min. Amon magibit kau raginio, ulas ondo' lumumpa' ra sinungkalalaing no lumumpa' ramuyun niayuk. Akau musiti' masisang am magasab ra sinungkalalaing, sabap ulason sinungkalalaing no ru Tuhan.”

JOSUA 9:20

Musiti' takau polosoon ilo maayag sabap ra nabantuan takano; amon kalo, mangukum i Aki Kapuuno' ritakau.