JAKARIA 4:7 - Tanou Moonsoi Timugon

⁷ Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

JAKARIA 4:7 ပူးပေါင်းရင်းမြစ်များ

IJRA 3:10

Paat ra ulun-ulun mangngandoi ra pambaalan timinalimpuun napabanta' ra batu maatang ru Baloi ru Tuhan, imam-imam ondo' nambayang ra sukub am nagibit ra bujung minongoi ra intok ru sigagama'. Ulun ru Liwi intor ra bansa' ru Asap niayuk minigor ra giu' no liliwa' nagibit ra agung-agung boborok. Nongompor-ngompor ilo ra Tuhan siminugut ra aturan ondo' inaru' intor ra paat ru Raja' Daut.

MAZMUR 114:4

Ngaangai' ru gunung satutulindak koson ra kambing malaa', am ngaangai' ru bulur satutulindak koson ra anak ru domba malaa'.

MAZMUR 114:6

Kua kia satutulindak kau koson ra kambing malaa', akau ngaangai' gunung? Kua kia satutulindak kau koson ra anak domba malaa', akau ngaangai' bulur?

MAZMUR 118:22

Batu pinatiran ru ulun-ulun mambabaal ra baloi no nasauk boo ra lugu' maatang.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 41:15

Saukon Takamin koson ra papan pangagik ondo' baguon, malarom, am makaripon. Agikon min gunung am kuliagayon min; bulur-bulur pana tutukon min saboi masauk ra kaau.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

MIKA 1:4

Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

JAKARIA 4:8

Kopongo raginio ratong poyo tanou ra bokon intor ra Tuhan.

JAKARIA 4:9

Indagu Io, “Jirubabil napabanta' noyo ra batu maatang ru Baloi Kuno, am mopongo no mambaal ra baloi no. Amon baal raginio masauk, ulun Kuno makapandai ra Aku noyo ondo' nanusub rirun, Jakaria, mongoi risilo.

MATIUS 21:21

“Karaa' min,” taam ri Jisus, “Amon ru mangintopot kau am kalo pagantangan guang, makabaal kau ra atan ondo' binaal Kuno ra puun ru ara ni. Sala' ka ginio ayuk, kaa' maindaguan min bulur ti, ‘Kakat no am patir no giu' ra raat!’ Baal raginio pana masauk.

MATIUS 21:42

Indagu i Jisus risilo, “Kalo poyo kia igondo' kau nakabasa' ra atan tinulisan ra Buuk Kitab? ‘Batu ondo' kinara' ru ulun-ulun manambaloi ra kolondo' onong nasauk ra batu maatang kaga'. Gitio noyo binaal ru Tuhan; mumpara' boo bonsoi no!’ ”

MARKUS 12:10

Kalo kia igondo' kau pambasa' ragu ragitio ralalom ru Buuk Kitab? ‘Batu ondo' pinatiran ru ulun-ulun manambaloi nasauk noyo ra batu maatang.

LUKAS 20:17

Ponontong i Jisus risilo am pangkuot, “Atan guat arati' ragu ru Buuk Kitab ragitio? ‘Batu ondo' inimpayan ru manambaloi nasauk noyo ra batu ondo' maatang kaga'.’

LUKAS 3:5

Moonong limayak pumpunin, moonong gunung am bulur lampayon. Ralan ra parikou-rikou banison, am ralan ra takulubok pumpunin.

RINALATAN 4:11

I Jisus noyo kon ru ragu ti ra Buuk Kitab, ‘Batu ondo' inimpayan ru ulun manambaloi, – ioginio akau galama' – nasauk ra batu maatang kaga'.’

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

IPISUS 2:20

Koson ra baloi inimpuun ru batu, pangintapatan min inimpuun ra pangilaan ru rasul-rasul am nabi-nabi, Mabaya' i Kristus Jisus noyo galama' koson ra batu maatang ru baloi no.

1 PITRUS 2:7

Koson ra akau ondo' mangintopot, batu ti mokologo toojo. Kaa' koson ra ulun ondo' kalo mangintopot: “Batu ra kolondo' onong ru ulun mananambaloi, io boo nasauk ra batu ondo' maatang kaga'.”

PINAINTALANG 16:20

Ngaangai' pulu' am gunung pana maliom.