JAKARIA 4:14 - Tanou Moonsoi Timugon

¹⁴ Kopongo raginio indagu io, “Raan no tatandu' ru ruo ngaulun ondo' pinili' am sinauk ri Aki Kapuuno' koson mangandoi ayuk Riso, Tuhan ondo' namingkal ra tana' ti am limbowon.”

JAKARIA 4:14 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

IJRA 5:2

Paat ri Jirubabil anak ri Sialtiil am i Jisua anak ri Jojadak nokorongog ra tanou ru nabi-nabi no, ilo tumalimpuun poyo mambaal ra Baloi ru Tuhan giu' ra Jirusalim. Karuruo ngaulun nabi no pana nangindangan risilo.

MAZMUR 110:4

Nambaal Tuhan ra bantu' am kalo luguton No sagulio' bantu' Nano, “Sabubuoi no okou masauk ra imam, koson ri Milkisidik.”

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 89:20

Galing i ralalom rondo' pagilangan, minindagu Kou ra ngaangai' ulipon Muno ondo' gumagaya', “Nangindangan Aku ra sangulun tutumula'; pataakon Ku panturungan Kuno ra ulun ondo' pinili' Kuno intor ra nasuangan ulun.

KAINGKUALAN 29:7

Mopongo ginio alapon umau ru upacara am pasasaron ra rasawat ru ulu nano ra koson patimpokon io.

KAINGKUALAN 40:15

Mopongo raginio luitin ilo ra umau, koson ra okou napaluit ra ama' nilo ra umau, maa' raginio mangandoi Raki' koson ra imam. Upacara mapaluit ra umau no mapasauk ra bansa' nilo ra imam saboi ra papag ka papag.”

JISAYA 5:1

Rongogo' noyo rimbai kutu, tunung koson ra rangan kuno am umo ru anggur nano: Rangan kuno mokoondo' sampila' umo ru anggur giu' ra bulur ondo' malabung.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

JIRIMIA 49:19

Koson ra singa' miningkual intor ra kataunan gimbaan giu' ra kiing ru Sungoi Jordan am nagaloi ra padang ru sakot ondo' masansam, koon niayuk ra Aku matong am mangkinibit ra ulun ru Idom magiru' ra mamulali' intor ra pagun nilo. Kopongo raginio tingganai ondo' pilion Kuno mamarinta ra pagun no. Osoi kia ondo' mogondo' Raki'? Osoi kia baani gumula' Raki'? Panguasa' ra ati kia ondo' masaga' manggal Raki'?

IMAMAT 8:12

Patimpokon ri Musa i Arun ra umau upacara pasasaron no ra ulu ri Arun.

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

JAKARIA 6:5

Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

LUKAS 1:19

Taam malaikat no, “I Gabriil aku. Mangandoi aku ri Aki Kapuuno'. Io nanusub raki' mampasaboi ra pambalaan moonsoi ti rirun.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

JOSUA 3:11

paat Kaban Nabantuan ru Tuhan ru limbowon am tana' ti, saanin lumaup ra Sungoi Jordan, sumigulu ramuyun.

JOSUA 3:13

Paat ra imam-imam ondo' nansaan ra Kaban Nabantuan ru Tuhan mapatapung ra kalayam ralalom timug, muog Sungoi Jordan ra tumilis; timug ondo' tumilis intor ra ralayo moombon giu' ra rondo' intok.”

PINAINTALANG 11:4

Sasi' ra ruo ngaulun no soroi ra saang ru Tuhan ondo' manguasa' ra tana' ti, am ilo no koson ra ruo ngampuun jaitun am ruo lampung.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”