JAKARIA 3:9 - Tanou Moonsoi Timugon

⁹ Pabantaan Ku rondo' batu tulu' persegi giu' ra saang ri Josua. Tulisin Ku ra tulisan-tulisan ra batu no. Ralalom songorou, patirin Ku tula ru pagun ti.

JAKARIA 3:9 ပူးပေါင်းရင်းမြစ်များ

1 RAJA'-RAJA' 1:20

Raino ngaangai' ru mamagun tatanga' maginaa ra ragu muno intor ra osoi ondo' malit rirun koson ra raja'.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

MAZMUR 103:12

Koson ra kinaalur ru sirangon intor ra kalasaan, kinaalur raginio niayuk tula takano patirin No.

MAZMUR 118:22

Batu pinatiran ru ulun-ulun mambabaal ra baloi no nasauk boo ra lugu' maatang.

KAINGKUALAN 28:11

Susubo' noyo sangulun tukang batu parmata ondo' mapandai toojo maa' raginio matulisan inggalan ru anak-anak ri Jakub ra ruo batu parmata no. Musiti' no bongkoson batu parmata no ra mas,

KAINGKUALAN 28:21

Musiti' moonong batu parmata no tulisin rondo'-rondo' ra inggalan ru anak-anak ri Jakub ondo' manguakil ra mopor am ruo bansa' Israil.

KAINGKUALAN 28:36

“Baalo' noyo rondo' bubunga' intor ra mas kopoyo am tulisi' ra ragu, ‘Patimpokon ra Tuhan’ ra bubunga' no.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 50:20

Paat raginio, tula kolondo' boo giu' ra Israil, am kalaatan pana kolondo' boo giu' ra Jiuda, sabap ra mangampun Aku ra ulun ondo' binayag Kuno. Aku, Tuhan, nakaindagu noyo.”

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

JAKARIA 3:4

Indagu malaikat no risilo ondo' mangindangan riso giu' ra suruga', “Patiri' min bayang majamol ondo' binayang ru ulun ti.” Kopongo raginio kono ri Josua, “Pinatiran ku noyo tula muno; mangani' aku rirun ra bayang bagu.”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

RINALATAN 4:11

I Jisus noyo kon ru ragu ti ra Buuk Kitab, ‘Batu ondo' inimpayan ru ulun manambaloi, – ioginio akau galama' – nasauk ra batu maatang kaga'.’

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

2 KORINTUS 1:22

Koson ragitio noyo itakau tinatanduan ri Aki Kapuuno' ra Io tatangan; pinataak No Ambiluo Nano ra guang takau koson mapakalansan ra mangani' Io ritakau ra ngaangai' ondo' binantu' Nali.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

IBRANI 7:27

Moonong orou Tingganai Maayo Imam ra bokon mampataak ra taak simbalui sabap ra tula ru ulun am tula nilo galama', kaa' i Jisus sala' ka koson raginio. Igondo' ayuk nampataak Io ra kaayagan Nano galama' am ginio sama' ra sabuoi-buoi no.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.

PINAINTALANG 5:6

Kakito ku boo sanginan Anak Domba minigor ra tatanga' ru takhta no ondo' liniputan ru apat ilo ondo' maayag am ngaangai' ru tingganai no. Makito ku io ti koson pinatoi. Mokoondo' Io tulu' sangau am tulu' mato, ioginio tulu' Ambiluo ri Aki Kapuuno' ondo' sinusub mongoi ra tikop-tikop ru tana' ti.