JAKARIA 2:8 - Tanou Moonsoi Timugon

⁸ Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra Tuhan Ondo' Maayo Kaga' Kuasa' nanusub raki' mampasaboi ra tanou ti ra bansa'-bansa' ondo' nantakou ra ulun Nano,

JAKARIA 2:8 ပူးပေါင်းရင်းမြစ်များ

KASAUKAN 20:6

Taam i Aki Kapuuno' ralalom inupi no, “Iou, nakapandai Aku ra binaal mu ginio sumugut ra kapasawan ru guang muno. Ginio nai ra Aku mapainggalur rirun mambaal ra tula Raki' am kalo polosoon Tokou marulug ra ruandu' no.

2 RAJA'-RAJA' 24:2

Nangator Tuhan ra pulalai ru ulun malaat makakinandoi intor ra Babilonia, Siria, Moab am Amon koson manggal ra Raja' Joyakim am niayuk namuso ra Jiuda. Baal raginio noyo ondo' rinagu ru Tuhan ondo' pinabala' galing ra nabi-nabi Nano.

MAZMUR 17:8

Sindungi' aku, koson ra unor ru mato Muno galama'; taubi' aku ra kawo Muno,

AMSAL 7:2

Gagayaa' noyo panusuban kuno, maa' raginio maayag kau. Pagigilai' min sumugut ra pangilaan kuno koson niayuk ra akau magalung ra mato min galama'.

JISAYA 49:19

Pagun muno ondo' mapua' am masiluk, ragino nasauk mapisok kaga' ra ilo ondo' makaguang mayan no. Am ulun-ulun ondo' makaguang mamatoi rirun, minugar noyo maalur intor rirun.

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 27:7

Ngaangai' bansa' mangandoi ayuk ra Raja' Nibukadnijar, anak ungkuyon nano am akupu nano saboi ra paat ru pagun nano galama' maratu'. Paat raginio bansa' ru Babilonia mangandoi ayuk ra bansa'-bansa' ondo' maikang am raja'-raja' ondo' maayo.

YEHEZKIEL 25:12

Indagu Tuhan Raja', “Mamagun ru Idom nambalos noyo ra Jiuda ra malaat. Binaal ru Idom no kasalaan maayo.

YEHEZKIEL 25:15

Indagu Tuhan Raja', “Ulun ru Palistin nansuli' noyo ra malaat ra pantula' nilo intor ragili, am namuso risilo ra masisang kaga'.

YEHEZKIEL 26:2

“Okou ulun mapandai matoi, rongogo' golos magilakup ru ulun ru Tirus. Golok ilo, ‘Jirusalim natutuk noyo! Kaikangan ru pantalanan nano nairu' noyo! Jirusalim kalo boo nasauk ra gumula' ritakau!’ ”

YEHEZKIEL 26:20

Atarin Tokou ra intok ru ulun minatoi maa' raginio mayan kou masimpung ra ulun ra galing i. Polosoon Tokou lumayun ra intok ru ulun minatoi, giu' ra tanga' ru nalunsai ondo' mantilayun, mabaya' ra ulun minatoi. Tana' muno pana kalo boo ayanin ru ulun, am kalo makasimpung kou ra gino ngai' ru ulun maayag.

YEHEZKIEL 35:5

Magail kau mantula' ra ulun ru Israil. Polosoon min ilo potoyon paat ra ilo malumpa' ru karaat koson ra ukuman pupus toojo tayar ru tula nilo.

YEHEZKIEL 36:11

Ruangin Ku suang ru mamagun am bibiag tinambiag min. Suang mino gumayo poyo intor ragili. Mokoondo' kau ra anak masuang. Iowon Takamin mayan ra giu' koson ragili, am palangkayaan Takamin koson ra kalo igondo' mino nailian. Bagu no makapandai kau ra Aku noyo Tuhan.

YEHEZKIEL 38:11

Namatas kono koson mamulunsar ra rondo' pagun ondo' kolondo' pinarinding ra batu, pagun ondo' mamagun nano maayag ra moonsoi am mamimio giu' ra bandar-bandar ondo' kolondo' timbok am kolondo' kuliamos mantula'.

YEHEZKIEL 38:14

Nanusub boo Tuhan Raja' raki' koson mambala' ri Gog intor ra ragu Nano, “Raino, tatanga' ru Israil, ulun Kuno maayag ra kaansayan, mintor kou

AMOS 1:11

Indagu Tuhan, “Mamagun ru Idom ruruli' noyo makatula, ginio ra maaru' ukumin Ku ilo. Kolondo' guang makaasi', nangilou ilo noyo ra ulun ru Israil, pabukat nilo. Narayus-rayus ilo siminangit am nagulayun nansuli'.

AMOS 1:13

Indagu Tuhan, “Mamagun ru Amon ruruli' noyo makatula, ginio ra maaru' ukumin Ku ilo. Paat ilo mangayou koson mapalangka' ra wilayah, lapaan nilo tinai' ru ruandu'-ruandu' maapang giu' ra Giliad.

AMOS 1:9

Indagu Tuhan, “Mamagun ru Tirus ruruli' noyo makatula, ginio ra maaru' ukumin Ku ilo. Nagibit ilo ra ngaangai' ulun intor ra rondo' bansa' giu' ra pamatiran ra pagun ru Idom; kalo nanugut ilo ra nabantuan ru pabukatan ondo' binaal nilo.

MIKA 4:11

Masuang noyo bansa' timinimung koson mamulunsar ramuyun. Konilo, “Jirusalim musiti' pusoon! Magilong akai ra bandar no masauk ra malunsai!”

MIKA 5:6

Ulun ru Israil ondo' lakat poyo maayag masauk koson ra bolobou masimu' intor ra Tuhan koson pataakon ra masuang bansa'; am koson rasam timinias ra tutuu'. Malansan ilo ri Aki Kapuuno' am sala' ka ulun.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

JIPANYA 2:8

Tuhan Ondo' Maayo Kaga' Kuasa' mindagu, “Nokorongog Aku noyo ra bansa' ru Moab am Amon nagasab am nangiis ra ulun Kuno. Masawat ragu nilo sabap ra ginaau nilo tana' ru ulun Kuno.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

JAKARIA 2:9

“Tuhan galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra Tuhan Ondo' Maayo' Kaga' Kuasa' nanusub noyo raki'.

JAKARIA 8:5

Ralan-ralan giu' ra bandar mososok poyo ra anak ungkuyon am ruandu' ondo' mangkukuli.

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 25:45

Tumaam raja' ti, ‘Balain takamin: Paat ra akau kalo nangindangan ra sangulun kalo maatang ti, ginio nogondo' ra akau marara' nangindangan Raki'.’

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

JUANIS 17:18

Sinusub Ku ilo mampatanou ra ulun ru tana' ti, koson Aku sinusub Mu.

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

SAGULION 32:10

“Natuum No ilo timinanggau giu' ra tana' kaagisan, tana' kaagisan ondo' masiluk am makauma' ra angin. Nanindung am nagalung Io risilo koson ra Io nagalung ra unor ru mato Nano.

2 TISALONIKA 1:6

Mabanis baalon ri Aki Kapuuno'. Mambalos Io ra ulun ondo' mangimbolo' ramuyun no.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.