JAKARIA 2:6 - Tanou Moonsoi Timugon

^6-7 Indagu Tuhan ra ulun Nano, “Pinantutuliar Takamin noyo giu' ra ngaangai' intok. Kaa' raino, akau ulun pinatiran, pagiru' kano intor ra Babilonia am saguli' kano ra Jirusalim.

JAKARIA 2:6 ပူးပေါင်းရင်းမြစ်များ

KASAUKAN 19:17

Kopongo raginio, indagu sangulun intor ra malaikat no, “Pagiru' no, am akau pana maayag! Pai' pangkaili ra tinaulian am pai' uog ra limayak no. Pagiru' kano ra kabuluran no maa' raginio kalo matoi kau.”

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

JISAYA 48:20

Ingkual noyo am pagiru' intor ra Babil! Pabalaa' noyo tanou raginio ralalom guang maantak. Pabalaa' noyo tanou raginio ra ati-ati ayuk, “Tuhan namayag ra Israil, ulipon Nano!”

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

JIRIMIA 1:14

Indagu Tuhan raki', “Karaat lumuab intor ra ralayo am lumumpa' ra ngaangai' mamagun ru pagun ti,

JIRIMIA 15:4

Mangkinibit Aku ra ngaangai' bansa' ra tana' ti malaa' magilong risilo sabap ra binaal ri Manasi anak ri Gijkia giu' ra Jirusalim, paat ri Manasi nasauk ra raja' ru Jiuda.”

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JIRIMIA 31:38

Indagu Tuhan, “Masaboi paat no ra titikop ru Jirusalim baalon saguli' koson ra bandar Kuno, intor ra Manara Gananil saboi ra Kulobon Garabang Pisuk.

JIRIMIA 31:8

Intor ra ralayo ibiton Ku ilo saguli', timungon Ku ilo intor ra pompor ru tana' ti. Ulun bolou am ulun kalo makalulu' maya' risilo, koon niayuk ra ruandu' maapang am ilo ondo' maar maganak. Sumaguli' ilo koson ra bansa' ondo' maayo.

JIRIMIA 50:8

“Ulun kau ru Israil, pagiru' no ra Babilonia! Iruani' pagun raginio! Akau musiti' magulu mangiruan ra pagun no!

JIRIMIA 51:45

Ulun kau ru Israil, pagiru' no intor ra giu' no! Bayago' noyo inan intor ra sangit Kuno ondo' nanimbula'.

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

YEHEZKIEL 11:16

“Balai' gino ngai' ru bansa' muno ralalom pamatiran ra Aku noyo ondo' nangator risilo ra maalur mongoi ra bansa'-bansa', am niayuk nampatutuliar risilo giu' ra pagun-pagun ra bokon. Kaa' koson liliwa' raginio, maya' Aku risilo giu' ra intok raginio.

YEHEZKIEL 17:21

Saujor-saujor nano ondo' mapanggol kaga' potoyon ralalom pangayawan, am ilo ondo' maayag pantutuliaron ra ati ayuk intok. Makapandai kau boo ra Aku, Tuhan nakaindagu noyo.”

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

JAKARIA 1:16

Ginio ra siminaguli' Aku ra Jirusalim koson makaasi' ra bandar no. Baloi Kuno baalon saguli' am bandar no punaan.”

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

MARKUS 13:27

Anak ru Ulun manusub ra malaikat-malaikat mongoi ra ngaangai' pamagunan ru tana' am manimung ilo ra ngaangai' ulun pinili' ri Aki Kapuuno'.”

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

PINAINTALANG 18:4

Kopongo raginio, korongog ku poyo bolos ra bokon intor ra suruga', kono, “Ulun mangintopot Raki', ingkual no intor ra bandar Babil no. Pai' kano baya' ra tula nilo am pai' baya' risilo ra maukuman poyo.

RUT 4:1

Ongoi i Boas ra baloi pantuuman giu' ra kulobon garabang ru bandar am panturung io. Paat ragili pansail ulun ondo' sabiton no ra pabukat mamaar ri Ilimilik no. Piawo' ri Boas ulun no. “Ibok no pabukat ku,” kono. “Panturung no.” Ratong pabukat no am panturung ra giu' no.