JAKARIA 2:5 - Tanou Moonsoi Timugon

⁵ Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

JAKARIA 2:5 ပူးပေါင်းရင်းမြစ်များ

MAZMUR 125:2

Koson ra ngaangai' gunung manindung ra Jirusalim, koon niayuk ra Tuhan manindung ra ulun Nano, raino saboi ra sabuoi-buoi no.

MAZMUR 3:3

Mangalimut ilo am mindagu, “Kalo mangindangan i Aki Kapuuno' riso!”

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

MAZMUR 48:12

Polosoon noyo minayan ra Sion am Jiuda maansukan, sabap ra natimpok nangakiman Muno.

MAZMUR 48:3

Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 31:9

Raja' nilono magiru' ra malaa', am nasuangan tingganai ru saujor nilono malaa' kaga' saboi bandira' ru pangayawan tinatang nilo.” Tuhan minindagu – Tuhan ondo' sambaan am urumaton am monolob ra taak simbalui giu' ra Jirusalim.

JISAYA 32:18

Ulun ri Aki Kapuuno' kalo pana boo maimamang, am baloi nilono kalinuos ayuk am makakaansayan,

JISAYA 33:21

Tuhan mapaintalang ra katulayan Nano ritakau. Mayan takau ra intok ondo' maginggaar ra sungoi-sungoi ondo' malangka' am sungoi-sungoi boborok, kaa' kalo masundoi ru kapal ru pantula'.

JISAYA 4:5

Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

JIRIMIA 31:39

Intor ra giu' no balitan nano sumuku' ra Bulur Garib, am lumisang ra Goa.

YEHEZKIEL 38:14

Nanusub boo Tuhan Raja' raki' koson mambala' ri Gog intor ra ragu Nano, “Raino, tatanga' ru Israil, ulun Kuno maayag ra kaansayan, mintor kou

YEHEZKIEL 42:20

Libung Baloi ru Tuhan no apat persegi; gawar ru timbok ra moonong kiing iono 250 ngamito. Timbok no nampatuliar ra atan ondo' matulai intor ra atan ondo' kalo matulai.

YEHEZKIEL 47:3

Namakai ra tataun tutuku' nano nanuku' ungkuyon no 500 ngamito mongoi ra tampilon sirangon, maya' ra aug ru sungoi no, am nanusub raki' maya' raginio. Timug no polos ra buntingol ru kalayam kuno.

JAKARIA 1:16

Ginio ra siminaguli' Aku ra Jirusalim koson makaasi' ra bandar no. Baloi Kuno baalon saguli' am bandar no punaan.”

JAKARIA 2:10

Indagu Tuhan, “Parimbai kano ra maansukan, akau mamagun ru Jirusalim! Mayan Aku ra tatanga' min!”

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

JAKARIA 9:8

Alungin Ku tana' Kuno am kalo mangiou ra pantula' mansail. Kalo boo polosoon Ku ulun malaat mangimbolo' ra ulun Kuno. Nakito Ku noyo kaimbalaan ru ulun Kuno.”

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.