JAKARIA 2:13 - Tanou Moonsoi Timugon

¹³ Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.

JAKARIA 2:13 ပူးပေါင်းရင်းမြစ်များ

2 TUNUNG RU BANSA' ISRAIL 30:27

Imam-imam am ulun-ulun ru Liwi nakibarakat ra Tuhan ra tayar ru mamagun. Intor ra intok inayanan Nano giu' ra suruga', nokorongog Tuhan am niayuk nangapu ra pakiasian nilo.

MAZMUR 11:4

Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

JISAYA 14:2

Masuang bansa' mangindangan ra ulun ru Israil muli' ra tana' ondo' pinataak ru Tuhan risilo. Giu' no bansa'-bansa' masauk ra ulipon ru Israil. Ilo ondo' galing i nangala ra Israil, kalaan ilo boo ru Israil. Ulun ru Israil mamarinta ra bansa'-bansa' ondo' nakaili' nangimbolo' risilo.

JISAYA 19:16

Bulintok no masuku' paat ra ulun ru Misir masauk koson ra ruandu' matalou. Monontol ilo malaa' paat makakito ra Tuhan Ondo' Maayo Kaga' Kuasa' manulu' koson mangukum risilo.

JISAYA 41:1

Indagu i Aki Kapuuno', “Pongkoror kau am rongogo' noyo ragu Kutu, akau namagun ra pagun-pagun maalur! Tampos kano am pootoro' pantagian mino ra makama; aniin kau ra kaluagan koson mindagu. Ibok no aruon takau osoi motopot am osoi makasala.

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 57:5

Sumamba kau ra dewa-dewa kalabungan am mansawa' ra saau ru puun-puun keramat. Pataakon min anak-anak mino koson ra taak simbalui giu' ra lapak ru bulur batu, giu' ra limayak sungoi.

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

JIRIMIA 25:30

Okou Jirimia, ngaangai' ondo' raguon Kuno rirun, musiti' mu potonowon. Musiti' mu raguin ilo, ‘Mansangal Tuhan intor ra suruga'; maningkalur Io intor ra inayanan Nano ondo' matulai. Gogolon io manggal ra ulun Nano; mompogolok Io koson ra ulun ondo' mamaga' ra kawa' ru anggur. Moonong ulun ra tana' ti mokorongog Riso,

ABAKUK 2:20

Tuhan soroi giu' ra ralalom ru Baloi Nano ondo' matulai; ngaangai' ulun ru tana' ti musiti' mongkoror giu' ra saang Nano.

JIPANYA 1:7

Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

JIPANYA 3:8

Indagu Tuhan, “Kaa' ilai' min! Inaani' ayuk orou ra Aku kumakat koson ra sasi' koson manguu' ra bansa'-bansa'. Namatas Aku noyo koson manimung ra bansa'-bansa' am pamarintaan-pamarintaan maa' raginio makalumpa' Ku sangit Kuno risilo. Titikop ru tana' ti pusoon ra apui ru sangit Kuno.

JAKARIA 4:9

Indagu Io, “Jirubabil napabanta' noyo ra batu maatang ru Baloi Kuno, am mopongo no mambaal ra baloi no. Amon baal raginio masauk, ulun Kuno makapandai ra Aku noyo ondo' nanusub rirun, Jakaria, mongoi risilo.

JAKARIA 6:15

Ulun intor ra intok maalur matong koson mangindangan mambaal ra Baloi ru Tuhan. Mopongo Baloi ra binaal saguli' no, makapandai kau ra Tuhan Ondo' Maayo Kaga' Kuasa' nanusub raki' mongoi ramuyun. Ngaangai' ru baal raginio masauk amon totopot kau gumagaya' ra susuban ru Tuhan, i Aki Kapuuno' min.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 9:20

Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

SAGULION 18:21

“Maaru' lair ru kukuot kau ralalom ru guang, ‘Ati kulaan akai makapandai ru tanou ru nabi no intor ra Tuhan kapoam kalo?’

SAGULION 18:22

Amon ru mindagu sangulun nabi ralalom inggalan ru Tuhan, am ondo' raguon nano kalo masauk, am tanou no pana sala' ka tanou intor ra Tuhan. Minindagu nabi no maya' ra karaan galama', am kalo pana malaa' kau riso.”

SAGULION 26:15

Ilai' noyo ragana' intor ra intok Muno ondo' matulai giu' ra suruga' am barakato' noyo ulun Muno Israil; barakato' niayuk tana' ondo' langkaya' am malabung ti, ondo' tinaakan Muno sumugut ra bantu' Muli ra kinamatuaan mai.’ ”