JAKARIA 2:12 - Tanou Moonsoi Timugon

¹² Igondo' poyo Jiuda masauk ra longgom ru Tuhan ayuk giu' ra tana' Nano ondo' matulai, am Jirusalim masauk ra bandar ondo' tagamin Nano kaga'.

JAKARIA 2:12 ပူးပေါင်းရင်းမြစ်များ

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

ESTER 6:13

Nambala' i Gaman ra andu' nano am rangan-rangan nano ra atan ondo' nasauk noyo. Andu' am rangan-rangan nano ondo' mangapintar no mindagu riso, “Okou tumalimpuun maala ri Mordikai. Io ulun ru Jaudi, am kalo makagula' kou riso. Maaru' makapangala io rirun.”

MAZMUR 105:15

Minindagu Io, “Pai' min usigo' ulun-ulun ondo' pinili' Kuno; pai' min jamari' nabi-nabi Kuno!”

MAZMUR 132:13

Sion pinili' ru Tuhan; saukon No ra ayanan Nano.

MAZMUR 132:14

Indagu Io, “Gitio noyo intok ayanan Kuno ra sabuoi-buoi no; mayan Aku ragiti.

MAZMUR 135:4

Pinili' No i Jakub koson ra inan Nano galama', am ulun ru Israil koson ra longgom Nano galama'.

MAZMUR 33:12

Pakaansuk noyo bansa' ondo' mangiou ra Tuhan noyo i Aki Kapuuno' no; pakaansuk noyo bansa' ondo' pinili' koson ra longgom Nano!

MAZMUR 82:8

Ratong no, iou Aki Kapuuno', am akimi' noyo tana' ti; ngaangai' bansa' Okou tatangan.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JISAYA 17:14

Bulintok mamai' lumaat ilo, kaa' suabon no lumiot ilo. Ginio noyo pangaruan ra moonong ulun ondo' mampagaau ra pagun takano.

JISAYA 41:9

Ibiton Takamin intor ra pompor ru tana'; piniau Takamin intor ra intok-intok ra maalur. Mambala' Aku, ‘Akau ulipon Kuno.’ Kalo inggalarin Takamin, kaa' pilion Takamin.

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 30:16

Kaa' raino ngaangai' ondo' monolon ramuyun tolonon, am ngaangai' pantula' min ibiton mugar koson ra ulun rinakop. Ngaangai' ulun ondo' nangimbolo' ramuyun imboloon, am ngaangai' ulun ondo' nantakou ramuyun takawin.

JIRIMIA 51:19

I Aki Kapuuno' ri Jakub sala' ka koson ra dewa-dewa no; Io no nambaal ra ngaangai' no, am Io nampili' ra Israil nasauk ra ulun Nano galama'. Inggalan Nano iono Tuhan Ondo' Maayo Kaga' Kuasa'.

JAKARIA 1:17

Nanusub malaikat no raki' nampatanou ra tanou ti niayuk, “Tuhan Ondo' Maayo Kaga' Kuasa' minindagu ra bandar-bandar Nano langkaya' saguli' am igondo' poyo mangindangan Io ra Jirusalim am mangiou riso koson ra longgom Nano galama'.”

JAKARIA 3:2

Malaikat ru Tuhan minindagu ra Tingganai ru riwato, “Gama' ru mangukum Tuhan rirun, okou Tingganai ru riwato! Gama' ru Tuhan ondo' motogom ra Jirusalim mangukum rirun. Ulun ti koson ra polompor ru tataun ondo' binunduk intor ra apui.”

SAGULION 32:10

“Natuum No ilo timinanggau giu' ra tana' kaagisan, tana' kaagisan ondo' masiluk am makauma' ra angin. Nanindung am nagalung Io risilo koson ra Io nagalung ra unor ru mato Nano.

SAGULION 32:9

kaa' papag ri Jakub pinili' ru Tuhan tayar Nano galama'.