JAKARIA 14:4 - Tanou Moonsoi Timugon

⁴ Paat raginio, migor Io giu' ra Bulur Jaitun giu' ra tampilon sirangon ru Jirusalim. Kopongo raginio Bulur Jaitun malapak kapiruo ru limayak ondo' malangka', tumalimpuun intor ra sirangon saboi ra kalasaan. Sampiruo ra bulur no minsir mongoi ra tampilon ralayo am sampiruo poyo mongoi ra tampilon rabugus.

JAKARIA 14:4 ပူးပေါင်းရင်းမြစ်များ

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

YEHEZKIEL 11:23

Kopongo raginio sinda ondo' manguliat no nangiruan ra bandar am minanding ra gunung giu' ra tampilon sirangon ru bandar.

YEHEZKIEL 38:20

Ngaangai' papait am susuit, ngaangai' bibiag maayo am boborok, am ngaangai' ulun ra tana' ti monontol sabap ra malaa' Raki'. Gunung maluyu', tobo matuan am moonong timbok malunsai.

YEHEZKIEL 43:2

Giu' no nakakito aku ra sinda manguliat minatong intor ra sirangon, ondo' tatandu' ratangan ri Aki Kapuuno' ru Israil. Bolos ri Aki Kapuuno' matangil koson ra ngoos ru kinulun ru raat, am tana' ti matawang sabap ra sinda ru ratangan ri Aki Kapuuno'.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

JAKARIA 14:10

Tana' giu' ra titikop ru pagun, intor ra bandar Giba giu' ra ralayo saboi ra Rimon giu' ra rabugus, masauk ra mabanis. Jirusalim sumawat toojo, masawat poyo intor ra tana' giu' ra libung nano; kinalangka' ru bandar no intor ra Kulobon Garabang Binjamin saboi ra Kulobon Garabang Pisuk, iono intok ru kulobon garabang ragili, am intor ra Manara Gananil saboi ra intok pamagaan ra kawa' ru anggur longgom ru raja'.

JAKARIA 14:7

kapoam kalandaman. Orou matawang ayuk, am niayuk paat ra rondom ti. Tuhan ayuk makapandai ra paat nano masauk.

JAKARIA 14:8

Paat orou raginio, timug ondo' mangani' ra kaayagan tumilis intor ra Jirusalim; sampiruo intor ra timug no tumilis mongoi ra Raat Matoi, am sampiruo poyo tumilis ayuk buoi ru bilor, bulintok tampio am niayuk bulintok rumasam.

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

MARKUS 11:23

Balain takamin: Amon ru mindagu kau ra bulur no, ‘Kakayang no am patir no giu' ra raat!’ Ginio maaru' masauk amon ru kalo maimamang kau kaa' mangintopot ra ondo' raguon mino topot-topot masauk.