JAKARIA 14:21 - Tanou Moonsoi Timugon

²¹ Ngaangai' pagangan giu' ra Jirusalim masauk ra longgom ru Tuhan Ondo' Maayo Kaga' Kuasa'. Ulun ondo' mampataak ra taak simbalui mamakai ra kuliamos no koson mantanok ra kual ru taak simbalui ondo' pinataak. Masaboi paat no, kolondo' boo ulun mantalan giu' ra Baloi ru Tuhan Ondo' Maayo Kaga' Kuasa'.

JAKARIA 14:21 ပူးပေါင်းရင်းမြစ်များ

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 4:3

Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

YEHEZKIEL 44:9

“Aku, Tuhan Raja' nampatanou ra ulun bansa' ru bokon ondo' kalo sinunatan am ulun ondo' kalo giminagaya' Raki', kalo iowon sumubol ra Baloi Kuno. Ulun bansa' ru bokon ondo' minayan ra gino ngai' ru ulun ru Israil pana kalo iowon sumubol.”

YEHEZKIEL 45:1

Paat ra tana' no tinayar ra moonong bansa', santayaran intor raginio musiti' pasuayon koson ra Tuhan. Gawar ru tana' no musiti' 12.5 ngakilomito, am pila' no 10 ngakilomito. Titikop ru intok no matulai.

GOSIA 12:7

Ginio ra, akau papag ri Jakub, pangintopot kano ri Aki Kapuuno', am saguli' kano Riso. Kaayag kano ra matikop ra togom am baalo' ondo' matimpok, am inaani' ra guang tumaan saboi i Aki Kapuuno' min mimbuor.

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

JIPANYA 1:11

Panulaboi kano am pantangi' kano paat min morongog ngaangai' no, akau mamagun ru bandar giu' ra tampilon ragana', sabap ra ngaangai' ulun mantalan minatoi noyo.

JAKARIA 14:20

Paat raginio lunsing-lunsing ra pinabayang ra kuda pana inukir ra ragu-ragu “Patimpokon tayar ru Tuhan”. Pagangan-pagangan giu' ra Baloi ru Tuhan masauk ra mapasau koson ra mangkuk-mangkuk ondo' pinabanta' giu' ra saang ru altar.

JAKARIA 7:6

Paat ilo mangakan am manginum, binaal raginio pana koson mangansuk ra guang nilo galama'.”

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.