JAKARIA 14:20 - Tanou Moonsoi Timugon

²⁰ Paat raginio lunsing-lunsing ra pinabayang ra kuda pana inukir ra ragu-ragu “Patimpokon tayar ru Tuhan”. Pagangan-pagangan giu' ra Baloi ru Tuhan masauk ra mapasau koson ra mangkuk-mangkuk ondo' pinabanta' giu' ra saang ru altar.

JAKARIA 14:20 ပူးပေါင်းရင်းမြစ်များ

1 RAJA'-RAJA' 7:50

sangkir, kakamot mangimpasau ra sumbu' ru lampung, mangkuk, pinggan intok pambulian ra kaminyan, baa ru apui, ingsil ru kulobon Lamin Matulai Kaga' am kulobon-kulobon ra liwar ru Baloi ru Tuhan. Ngaangai' ru kakamot no binaal intor ra mas.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

KAINGKUALAN 25:29

Pambaal noyo ra pinggan, sangkir, jag am mangkuk pakayon tayar taak wain. Musiti' ngaangai' kuliamos no baalon intor ra mas kopoyo.

KAINGKUALAN 37:16

Pambaal io niayuk ra piring-piring, sangkir-sangkir, jag-jag, am mangkuk pakayon ra taak ru wain. Binaal ngaangai' kuliamos ru mija' no intor ra mas kopoyo.

KAINGKUALAN 39:30

Pambaal ilo rondo' pamunga' intor ra mas kopoyo, rondo' tatandu' ondo' matulai ra patimpokon ilo noyo. Ginio ra pamunga' no inukir nilo ragu ragitio: “Patimpokon ra Tuhan”.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

YEHEZKIEL 45:1

Paat ra tana' no tinayar ra moonong bansa', santayaran intor raginio musiti' pasuayon koson ra Tuhan. Gawar ru tana' no musiti' 12.5 ngakilomito, am pila' no 10 ngakilomito. Titikop ru intok no matulai.

IMAMAT 6:28

Pagangan ru tana' ondo' nantanakan ra kual no musiti' popolon. Amon ru binaal pagangan no intor ra basi', musiti' pagangan no isasin am liungin ra timug.

IMAMAT 8:9

Pasampako' ri Musa serban ra ulu ri Arun, am tampilon ra saang ru serban no patakino' ri Musa limpor mas koson tatandu' patimpokon, koson ra nanusuban ru Tuhan.

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JAKARIA 14:19

Ginio noyo ukuman ondo' paratuon ra Misir am ngaangai' bansa', amon ru kalo mangiantak ilo ra Pangiantakan Mangkalukub ra Raun.

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

JAKARIA 9:15

Tuhan Ondo' Maayo Kaga' Kuasa' manindung ra ulun Nano, pusoon nilo pantula'. Mampaluwau ilo koson ra ulun magauk mampaluwau, liliwa' mampasasar ra raraa' ru pantula'; raraa' ru pantula' tumilis koson ra raraa' ru taak simbalui, ondo' pinasasar giu' ra rasawat ru altar intor ra rondo' mangkuk.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

UNTABAN 4:14

Giu' rasawat ru altar no, musiti' pabantaan ngaangai' kuliamos ondo' pakayon ralalom ru sambayang giu' ra altar: intok ru baa, garapu', susuuk am bisin. Ngaangai' no musiti' taubin ra kungkung malumis, am paatangon boo tataun pamandas ra altar.

UNTABAN 4:7

Musiti' nilo pabingkalon rondo' konoon motomou ra rasawat ru mija', intok ru ruti' ondo' pataakon ra Tuhan. Musiti' nilo pabantaan pinggan, mangkuk ru kaminyan, mangkuk ru taak simbalui, am rarapu' tayar ru taak simbalui wain rasawat ru mija'. Musiti' taak ra ruti' magail soroi ra rasawat ru mija'.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

RINALATAN 10:15

Kaa' naining poyo bolos i minindagu riso, “Pai' pangkara' raginio malaat amon ru iniou noyo ri Aki Kapuuno'.”

RINALATAN 10:28

Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

RINALATAN 11:9

Indagu boo bolos intor ra rasawat, ‘Pai' pangkara' raginio malaat amon ru iniou noyo ri Aki Kapuuno'.’

RINALATAN 15:9

I Aki Kapuuno' kalo manginggi' ra osoi ayuk pana; ulun ru Jaudi kia kapoam sala' ka Jaudi. Ampunon No niayuk tula nilai sabap ra mangintopot ilo.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 20:6

Pakaansuk no ulun ondo' paayaan bayagon saguli' ra kasaa' ti. Kapatayan karuo kalo manguasa' risilo. Masauk ilo boo ra imam ri Aki Kapuuno' am ri Kristus, am mamarinta ilo mababaya' Riso buoi saribu ngambilor.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”

1 SAMUIL 2:14

patujokon ru ulipon no garapu' no ra pagangan, intok nangansakan ra kual no. Atan ayuk ondo' asakin no ra garapu' no masauk ra longgom ru imam. Ngaangai' ulun ru Israil ondo' matong ra Silo koson mapataak ra taak simbalui no koson raginio pamakuan no.