JAKARIA 14:2 - Tanou Moonsoi Timugon

² Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.

JAKARIA 14:2 ပူးပေါင်းရင်းမြစ်များ

JISAYA 13:16

Makakito ilo ra lalagang nilono lambaan saboi matoi, baloi nilono gaawon, am andu' nilono sowoon.”

JISAYA 4:3

Moonong ulun natatang ra Jirusalim, ioginio ulun ondo' pinili' ri Aki Kapuuno' maa' raginio maayag ilo, am piawon ra matulai.

JISAYA 5:26

Ilai' Tuhan manaak ra pulanu ra bansa' ondo' maalur. Sisiukon No mampiau risilo intor ra pompor ru tana' ti am mataki' ilo matong!

JISAYA 65:18

Pakaansuk noyo am kaantak noyo ra sabuoi-buoi no sabap ra inangun Kuno. Jirusalim bagu ondo' inangun Kuno mototop ra kaansukan am namagun nano maantak guang.

JIRIMIA 21:4

mambala' ra Raja' Jidikia ra Tuhan, i Aki Kapuuno' ru Israil, minindagu koson ragitio, “Jidikia, kalaan Ku pulalai muno ondo' tatanga' mangayou mampatoi ra raja' ru Babilonia am pulalai nano. Patunturon Ku ngaangai' kinandoi ru saujor muno giu' ra tatanga' ru bandar.

JIRIMIA 34:1

Minindagu Tuhan raki' paat ra Raja' Nibukadnijar intor ra Babilonia am saujor nano namulunsar ra Jirusalim am bandar-bandar giu' ra liliut no. Raja' no pinatoi ru saujor ru pagun-pagun am bansa'-bansa' ondo' ralalom ru kuasa' nano.

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

JOIL 3:2

Timungon Ku ngaangai' bansa' am magibit risilo giu' ra Limayak Pangakiman. Akimin Ku ilo ra giu' no sabap ra ngaangai' binaal nilo ra ulun Kuno. Namatir ilo ra ulun Kuno giu' ra masuang pagun, am nantayar-tayar ra tana' ru Israil, pagun longgom Kuno.

JOIL 3:9

Potonowo' baal ragitio ra bansa'-bansa', ‘Tampos kano koson mantula', piawo' ulun-ulun tutumula' min; timungo' ngaangai' saujor, am jalog kano!

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

JAKARIA 12:2

“Pasaukon Ku Jirusalim koson ra sasangkir wain. Bansa'-bansa' giu' ra liliut manginum riso am kakasiling koson ra ulun magauk. Paat ra ilo mangala ra Jirusalim, bandar-bandar giu' ra titikop ru Jiuda pana kalaan.

JAKARIA 12:3

Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.

JAKARIA 12:9

Paat raginio pusoon Ku ngaangai' bansa' ondo' kuminam mamulunsar ra Jirusalim.

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.

MARKUS 13:14

Tungguli' poyo ri Jisus ragu Nali, “Makakito kau ra ‘Sauk Malaat’ migor ra intok panginggalaran no. (Ngaangai' mambabasa' pakarati' kano ragitio!) Paat raginio, ulun ondo' soroi ra Judia musiti' magiru' ra kabuluran.

MARKUS 13:19

Paat raginio tumalimpuun kaimbalaan ondo' kalo igondo' kasauk ra tana' ti, intor ri Aki Kapuuno' nambaal ra tana' ti saboi raino am kalo boo baalon.

LUKAS 2:1

Paat ragili i Kaisar Agustus nanusub ra ngaangai' mamagun ralalom Empayar Roma, mongoi panulis ra inggalan nilo koson manguntob ra suang ru ulun.