JAKARIA 14:16 - Tanou Moonsoi Timugon

¹⁶ Kopongo raginio ngaangai' ulun intor ra bansa'-bansa' ondo' lakat poyo naayag, ondo' namulunsar ra Jirusalim, matong ra Jirusalim ra moonong bilor koson sumamba ra Raja', Tuhan Ondo' Maayo Kaga' Kuasa', am koson mangiantak ra Pangiantakan Mangkalukub ra Raun.

JAKARIA 14:16 ပူးပေါင်းရင်းမြစ်များ

2 TUNUNG RU BANSA' ISRAIL 8:13

Nampataak io ra taak simbalui koson mapabansuk ra guang ru Tuhan sumugut ra kaulayan ru Ukum ri Musa ra moonong pangiantakan ondo' inaru': orou Sabat, Pangiantakan ra Sila' Bagu, am talu poyo pangiantakan ru kabilaran, iono Pangiantakan ra Ruti' Kalo Linatakan ra Ragi, Pangiantakan Mangkumos am Pangiantakan Mangkalukub ra Raun.

IJRA 3:4

Mangiantak ilo niayuk ra Pangiantakan Mangkalukub ra Raun sumugut ra aturan ondo' inaru' noyo; moonong orou mampataak ilo ra taak simbalui ondo' inaru' noyo tayar ru orou raginio.

MAZMUR 66:4

Ngaangai' ulun ra tana' ti sumamba Rirun; marimbai ilo mongompor ra inggalan Muno.”

JISAYA 18:7

Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

JISAYA 19:21

Mintalang Tuhan ra inan galama' ra ulun ru Misir, makaulig am sumamba ilo Riso, am magibit ilo ra taak simbalui am taak pataakon Riso. Magibot ilo Riso am suguton nilo ibot no.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 66:23

Paat ra moonong pangiantakan ra Bulan Bagu am orou Sabat, ulun intor ra ngaangai' pagun matong sumamba Raki' giu' ra Jirusalim.

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

JIRIMIA 51:57

Mangkinibit Aku ra panguasa'-panguasa' mangagauk – ulun nano ondo' mapintar, tingganai-tingganai nano am saujor-saujor nano. Mombolong ilo am kalo boo tumirong-tirong. Aku, Raja' nakaindagu noyo; Aku noyo Tuhan Ondo' Maayo Kaga' Kuasa'.

GOSIA 12:9

Konilo, ‘Langkaya' akai raino. Masuang rapu' mai. Kolondo' osoi pana makapanguu' ramon nambaal ra malaat.’

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

JAKARIA 9:7

Lumonggo' ilo mangakan ra kual ondo' lakat poyo makararaa' am atan ayuk akanon ondo' kalo maakan. Ngaangai' ulun ondo' naayag masauk ra ulun Kuno am masauk ra rondo' intor ra bansa' ru Jiuda. Ikron masauk ra ulun Kuno koson ra ulun ru Jibusi paat ra galing i.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

LUKAS 19:38

Konilo, “Kabarakat noyo Io ondo' minatong nabaya' ra kuasa' ru Tuhan! Kaansayan giu' ra suruga', am koompor toojo i Aki Kapuuno'!”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 7:2

Mamaar noyo ra Pangiantakan Mangkalukub ra Raun.

RINALATAN 15:17

koson ngaangai' ulun ra bokon maguyum Raki', ulun sala' ka Jaudi niayuk ondo' piniau Kuno masauk ra ulun Kuno.

ROMA 11:16

Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan.

ROMA 11:26

Koson raginio ngaangai' ulun ru Israil bayagon. Tinulisan noyo ra Buuk kitab; “Intor ra bandar Sion matong Mamamayag no, mangiru' Io ra ngaangai' kalaatan ru papag ri Jakub.

ROMA 11:5

Koson niayuk ra raino ti, mokoondo' kukula' ngaulun pinili' ri Aki Kapuuno' maya' ra kataawan Nano.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.