JAKARIA 14:10 - Tanou Moonsoi Timugon

¹⁰ Tana' giu' ra titikop ru pagun, intor ra bandar Giba giu' ra ralayo saboi ra Rimon giu' ra rabugus, masauk ra mabanis. Jirusalim sumawat toojo, masawat poyo intor ra tana' giu' ra libung nano; kinalangka' ru bandar no intor ra Kulobon Garabang Binjamin saboi ra Kulobon Garabang Pisuk, iono intok ru kulobon garabang ragili, am intor ra Manara Gananil saboi ra intok pamagaan ra kawa' ru anggur longgom ru raja'.

JAKARIA 14:10 ပူးပေါင်းရင်းမြစ်များ

1 RAJA'-RAJA' 15:22

Kopongo raginio minindagu Raja' Asa ra ngaangai' mamagun ru Jiuda am nanusub ra moonong mamagun, kolondo' matatang, maa' raginio magaut ra batu am balak ondo' pakayon ru Raja' Baisa koson mangikang ra bandar Rama. Kuliamos-kuliamos raginio noyo nangikang Raja' Asa ra bandar Mijpa am Giba, rondo' bandar giu' ra wilayah Binjamin.

2 RAJA'-RAJA' 14:13

Rinakop ru Raja' Jigoas no Raja' Amajia, am namparayus ra pamulunsaran nano giu' ra Jirusalim. Tinuyas no timbok ru bandar ra kinagalur ru 200 ngamito, intor ra Kulobon Garabang Ipraim saboi ra Kulobon Garabang Pisuk.

1 TUNUNG RU BANSA' ISRAIL 4:32

Ilo niayuk minayan giu' ra limo intok ra bokon: Itam, Ain, Rimon, Tokin, Asan,

1 TUNUNG RU BANSA' ISRAIL 6:77

Sasambaloi ra bokon ralalom bansa' ru Mirari, inanian ra bandar-bandar ragitio nabaya' ra padang sakot giu' ra liliut ru bandar: Giu' ra wilayah ru bansa' ru Jibulon: Rimono am Tabor.

2 TUNUNG RU BANSA' ISRAIL 25:23

Raja' Jigoas namparakop ra Raja' Amajia am inibit io ra Jirusalim. Giu' no ginaba' ru Raja' Jigoas timbok ru bandar ra galur no maar 200 ngamito intor ra Kulobon Garabang Ipraim saboi ra Kulobon Garabang Pisuk.

2 TUNUNG RU BANSA' ISRAIL 26:9

Binaal ru Raja' Ujia kukula' manara giu' ra Kulobon Garabang Pisuk, Kulobon Garabang Limayak, am pisuk ru timbok koson mamiot ra kubu ru Jirusalim.

NIGIMIA 12:39

Intor ra giu' minugar nababaya' akai mansail ra Kulobon Garabang Ipraim, Kulobon Garabang Jisana, Kulobon Garabang Papait, Manara Gananil am Manara Maatus, saboi ra Kulobon Garabang Domba. Ugar mababaya' mai pinupusan mamaar ra Kulobon Garabang Pagalungan Baloi ru Tuhan.

NIGIMIA 3:1

Gitio noyo ralan ra timbok ru bandar Jirusalim pinuna'. Tingganai Maayo Imam Ilyasib am imam-imam ra bokon nambaal saguli' ra Kulobon Garabang Domba, napatapuli' ra angob-angob ru kulobon no am patimpokon ngaangai' no. Patimpokon nilo timbok saboi ra Manara Maatus am Manara Gananil.

JISAYA 10:29

Nansail ilo ra ralan makalalaa' am raino mombolong ilo giu' ra Giba! Mamagun ru bandar Rama mangalaa', am mamagun ru Gibia, bandar ru Raja' Saul nagigiru'.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JIRIMIA 20:2

nanusub io koson aku ti lambaan am rantayon giu' ra Kulobon Garabang Binjamin, garabang tampilon rasawat giu' ra Baloi ru Tuhan.

JIRIMIA 30:18

Indagu Tuhan, “Pasagulion Ku ulun Kuno ra pagun nilo am makaasi' ra moonong sasambaloi; Jirusalim baalon poyo, am istana no punaan.

JIRIMIA 37:13

Kaa' paat ra aku nakasaboi giu' ra Kulobon Garabang Binjamin, sangulun pagawai ru saujor ondo' nangandoi ra giu' no, ondo' ininggalanan ri Jiria anak ri Silimia am akupu ri Gananya, nonombot raki' am indagu, “Masaga' kou magiru' ra bala ru ulun Babilonia!”

JIRIMIA 38:7

Kaa' ulun ru Itiopia ondo' ininggalanan ri Ibid-Milik, iono sida-sida ondo' mangandoi ra istana, nokorongog ra pinasubol aku ra ralalom ru tulubong ru pagawai-pagawai no. Paat raginio tatanga' raja' naningganai ra pansusunuran giu' ra Kulobon Garabang Binjamin.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MIKA 4:1

Paat ra orou rumatong gunung intok Baloi ru Tuhan masauk ra gunung ondo' masawat kaga', masawat poyo kaga' intor ra gunung-gunung am bulur-bulur. Ngaangai' bansa' guguluyur mongoi ra giu' no,

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 2:4

Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

JOSUA 15:32

Libaot, Silgim, Ain am Rimon: ngaangai' no 29 bandar nabaya' ra ngaangai' pekan giu' ra liput no.

JOSUA 21:17

Intor ra wilayah Binjamin, nangapu ilo ra apat bandar: bandar Gibion, Giba,

TINGGANAI RU BANSA' 20:45

Saujor ru Binjamin ra bokon minuli' am nagiru' tampilon ra tana' kaagisan, ra gunung-gunung batu giu' ra Rimon. Suang 5,000 ngaulun intor risilo pinatoi ra tanga' ralan. Saujor ru Israil lakat poyo mangilou ra saujor ru Binjamin saboi ra Gidom am 2,000 ngaulun intor risilo minatoi.

TINGGANAI RU BANSA' 20:47

Kaa' 600 ngaulun nakapagiru' ra tana' kaagisan, giu' ra gunung-gunung batu ra Rimon. Minayan ilo ra giu' buoi apat ngansila'.

TINGGANAI RU BANSA' 21:13

Kopongo raginio ngaangai' ulun ru Israil nangator ra ulun sinusub ra bansa' ru Binjamin ondo' giu' ra gunung batu giu' ra Rimon koson makimobonsoi.