JAKARIA 13:9 - Tanou Moonsoi Timugon

⁹ Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

JAKARIA 13:9 ပူးပေါင်းရင်းမြစ်များ

2 SAMUIL 7:24

Sinauk Mu Israil ra ulun Muno ra sabuoi-buoi no. Okou, iou Tuhan, nasauk noyo ri Aki Kapuuno' nilo.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

AYUP 28:1

Mokoondo' lombong-lombong intok natuuman ra pirok, mokoondo' intok-intok pamasawan ra mas.

MAZMUR 144:15

Pakaansuk noyo bansa' koson raginio, pakaansuk noyo ulun ondo' i Aki Kapuuno' nilono Tuhan!

MAZMUR 43:4

Aku pana mongoi ra altar Muno, iou Aki Kapuuno', sabap ra Okou noyo puun ru kaansukan kuno; marimbai aku am mangkayus ra jitor, koson mongompor Rirun, iou Aki Kapuuno', i Aki Kapuuno' kuno!

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

RIMBAI PANGAMPARAN 2:16

Kubayau kuno aku tatangan, am aku io tatangan. Magalung io ra domba nano magiantanga' ra bunga' bakung

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 48:10

Kininaman Takamin noyo ra apui kaimbalaan, koson ra pirok pinalunau ra apui.

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JIRIMIA 24:5

“Aku, Tuhan, i Aki Kapuuno' ru Israil nangkara' ra ulun ondo' inaut pinoongoi ra Babilonia no koson ra kawa' ru ara ondo' moonsoi ti, am moonsoi pamakuan Kuno risilo.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:38

Masauk ilo ra ulun Kuno, am masauk Aku ri Aki Kapuuno' nilo.

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

YEHEZKIEL 14:11

Baalon Ku baal raginio koson manginga' ra ulun ru Israil mangiruan Raki' am mampajamol ra inan nilo ra tula. Koon raginio ilo masauk ra ulun Kuno am Aku masauk ri Aki Kapuuno' nilo.” Koon raginio noyo ragu ru Tuhan Raja'.

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

YEHEZKIEL 36:28

Mayan kau boo ra pagun ondo' tinaakan Kuno ra kinamatuaan mini. Akau masauk ra ulun Kuno, am Aku masauk ri Aki Kapuuno' min.

YEHEZKIEL 37:27

Sumimpung Aku risilo. Masauk Aku boo ri Aki Kapuuno' nilo am masauk ilo boo ra ulun Kuno.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

DANIL 12:10

Masuang ulun kinamin am kapasawon. Ulun malaat kalo makarati'; rumayus ilo mambaal ra kalaatan nilo. Ulun mapintar ayuk makarati'.

JOIL 2:32

Kaa' ngaangai' ulun ondo' makiindangan ra Tuhan bayagon. Koson ra rinagu ru Tuhan, ‘Santayaran ulun giu' ra Jirusalim maayag; ilo ondo' pilion Kuno maayag.’ ”

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

RINALATAN 2:21

Paat raginio, osoi ayuk makiindangan ra Tuhan, bayagon io.’

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

1 PITRUS 4:12

Pabukat ondo' tagamin ku, raino maimbolo' kau toojo am ginio mangkinam ra pangintapatan min. Kaa' pai' kau pakatigog sabap ra ginio maaru' masauk ramuyun.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

PINAINTALANG 8:10

Malaikat katalu no nanarumpit. Rondo' boo butitin maayo ondo' nanimbula' koson ra titiu, riminatu' intor ra limbowon ra sampitalu ru sungoi am taur.

PINAINTALANG 8:11

(Inggalan ru butitin no “Mapait”.) Sampitalu ru timug no siminimpait am masuang ulun minatoi sabap ra nanginum ra timug mapait raginio.

PINAINTALANG 8:12

Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.

PINAINTALANG 8:7

Malaikat kasaa' no nanamput ra bujung nano. Ratu' boo ais batu am apui nararatok ra raraa' ra tana' ti, koson ra rasam maawas. Sampitalu ru tana' ti, tataun am ngaangai' makaraun masansam nongosolob.

PINAINTALANG 8:8

Malaikat karuo no nanamput ra bujung nano. Mokoondo' boo koson ra gunung maayo siminimbula' pinapatir ra raat. Sampitalu ru raat no masauk ra raraa'.

PINAINTALANG 8:9

Sampitalu ru ngaangai' maayag ralalom raat no minatoi am sampitalu ru kapal-kapal naluus.