JAKARIA 13:4 - Tanou Moonsoi Timugon

⁴ Paat raginio, kolondo' boo nabi ondo' lumimbau sabap ra pinaintalang-pinaintalang nano, kapoam mangku ra sangulun nabi, kapoam nambayang ra sukub makabulu maa' raginio makapamparuung io ra ulun.

JAKARIA 13:4 ပူးပေါင်းရင်းမြစ်များ

2 RAJA'-RAJA' 1:8

Taam ilo, “Nansukub io ondo' binaal intor ra kungkung ru bibiag, am inabot ra abot intor ra kungkung.” Golok raja' no, “Ulun no i Ilia!”

JISAYA 20:2

Talu ngambilor ra nakapagulu, nanusub Tuhan ri Jisaya anak ri Amos namagus ra kasut am nangalus ra konoon karung ondo' sinulungan nano. Sinugut ri Jisaya nanusuban raginio am minugar io nagibabaang am niayuk kalo nangkasut.

JIRIMIA 2:26

Indagu Tuhan, “Koson ra mantatakou tinauyu' paat rinakop, koon raginio niayuk ra ulun ru Israil tauyuon, makaaya' raja'-raja' am pagawai-pagawai min, imam-imam am nabi-nabi min.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

MATIUS 3:4

Binayang ri Juanis no binaal intor ra bulu ru unta, am abot nano binaal intor ra kungkung. Akanon nano gapu' am ruu' ru maningot.

MARKUS 1:6

Binayang ri Juanis binaal intor ra bulu ru unta am abot nano kungkung. Akanon nano gapu' am ruu' ru maningot.

IBRANI 11:37

Mokoondo' poyo pinatoi bobolo' ra batu am niayuk piniruo garagajio' kapoam tinobok saboi minatoi. Am poyo mokoondo' jajawot ayuk ra kolondo' intok randanan nilai; kungkung ru domba kapoam kambing ayuk bayang nilai sabap ra musikin ilo toojo. Nansalinut kapaganan am imbolo' ondo' natuum nilo.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”