JAKARIA 13:3 - Tanou Moonsoi Timugon

³ Kopongo raginio osoi ayuk ondo' lakat poyo masaga' mindagu ra manala', matuo nano galama' mambala' riso ra musiti' io ukumin ra matoi, sabap ra mangiou nampasaboi ra tanou ru Tuhan, kaa' sotopot no nagabau io. Paat ra io mindagu ra manala', matuo nano galama' monobok riso saboi matoi.

JAKARIA 13:3 ပူးပေါင်းရင်းမြစ်များ

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 23:34

Amon ru sangulun intor ra ulun Kuno kapoam sangulun nabi kapoam sangulun imam nanabit ra ragu ‘saanin ru Tuhan’, ukumin Ku io am sasambaloi nano.

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

YEHEZKIEL 13:23

Raino pinaintalang ra kalo motopot am ondo' ragu inala' mino ondo' nampakalayau no napupusan noyo. Tatanga' Aku mamayag ra ulun Kuno intor ra kuasa' mino maa' raginio makapandai kau ra Aku noyo Tuhan.”

YEHEZKIEL 14:9

“Amon ru sangulun nabi ruungon saboi mindagu ra ondo' kalo motopot, Aku, Tuhan ondo' namparuung riso. Patirin Ku io intor ra ulun Kuno Israil.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

LUKAS 14:26

“Osoi ayuk matong Raki' no, kalo masauk ra maamaya' Kuno amon ru kalo motogom io toojo Raki' intor ra togom no ra ina' nano, ama' nano, andu' nano, anak-anak nano, pinongkotob no ra ungkuyon am ruandu' am kaayagan nano galama' pana.

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

SAGULION 18:20

Kaa' amon ru baani sangulun nabi mapasaboi ra tanou ralalom ru inggalan Kuno, kaa' sotopot no kalo manusub Aku riso mambaal raginio, nabi no musiti' matoi. Moonong nabi ondo' mindagu ralalom ru inggalan ru tuhan-tuhan ra bokon musiti' matoi.’

SAGULION 33:9

Napakito ilo ra pampagagayaan Rirun ondo' nasailan ra pampagagayaan ra matuo, pabukat kapoam anak. Ginagaya' nilo susuban Muno am minintopot ra nabantuan Muno.