JAKARIA 12:8 - Tanou Moonsoi Timugon

⁸ Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 12:8 ပူးပေါင်းရင်းမြစ်များ

MAZMUR 8:5

atan kia ulun no saboi Okou mangkara' risilo? Ilo ulun toojo ayuk, kaa' Okou niayuk magalung risilo.

MAZMUR 82:6

Mindagu Aku ra akau noyo ulun mapasau guang, ra akau ngaangai' anak ru Io Ondo' Masawat Kaga'.

KAINGKUALAN 14:19

Malaikat ri Aki Kapuuno' ondo' soroi ra saang ru saujor Israil manding ra tinaulian. Lugu' ru gaun soroi ra saang nilo niayuk manding

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 31:4

Tuhan mindagu raki', “Kabalu' pana nasuangan magagalung gumolok, kalo maanjung nilo singa' intor ra bibiag ondo' pinatoi nano. Ginio niayuk kolondo' mokopongompong Raki' Tuhan Ondo' Maayo Kaga' Kuasa', ka manindung ra Bulur Sion.

JISAYA 33:24

Kolondo' sangulun pana mayan ra pagun takati mindagu ra jajajou sabap ru maruol, am ngaangai' tula inampun noyo.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JIRIMIA 27:10

Namparuung ilo ramuyun saboi inibit kau ra maalur intor ra pagun min. Pagiruon Takamin, am mapuso kau.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

GOSIA 12:3

Tuhan mokoondo' ra panguwan ra ulun ru Jiuda; am mangukum Io ra ulun ru Israil niayuk sabap ra paliso nilo. Mambalos Io ra binaal nilo.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

JOIL 3:10

Baluyo' mato ru radu' muno masauk ra ilang, am niayuk tantab koson saukon ra tutura'. Ulun ondo' malawo musiti' maya' mindagu: Aku tutumula'.

IMAMAT 26:8

ra limo ngaulun, makala min maatus ngaulun pantula', am ra maatus ngaulun makala min mopor ngaribu ngaulun pantula'.

MIKA 5:8

Kalaan ru Israil pantula' nilo am mamuso risilo ngaangai'.

MIKA 7:16

Makakito bansa'-bansa' no ra baal raginio am mauyu' sabap malimanan nilo ra kaikangan nilo kolondo' toojo arati'. Ilo kalo boo makaindagu am kalo mokorongog sabap ra kalo makabaal ra atan ayuk.

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

JAKARIA 9:14

Mintalang Tuhan ra ulun Nano; palabuson no anak panah koson ra ganit. Tuhan Raja' manamput ra tarumpit koson ra tatandu' mapaugar ra pamulunsaran, jumalai Io intor ra rabugus giu' ra tatanga' ru bagiu'.

JAKARIA 9:8

Alungin Ku tana' Kuno am kalo mangiou ra pantula' mansail. Kalo boo polosoon Ku ulun malaat mangimbolo' ra ulun Kuno. Nakito Ku noyo kaimbalaan ru ulun Kuno.”

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

IBRANI 11:34

Mokoondo' niayuk nampalasa' ra apui makalalaa', mokoondo' nakapagiru' paat ra inuupan ru ulun makakinandoi. Malawo ilo kaa' nasauk ilo ra maikang, am makakau' ilo saboi nangala ilo ra saujor ru pagun ra bokon.

JOSUA 23:10

Sangulun ramuyun nakapangala ra saribu ngaulun pantula', sabap ra Tuhan i Aki Kapuuno' min nangayou ramuyun koson ra binantu' Nano.

PINAINTALANG 22:13

Aku noyo talimpuun am pupus; Aku noyo kasaa' am pangayaan.”

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”