JAKARIA 12:5 - Tanou Moonsoi Timugon

⁵ Bagu no bansa'-bansa' ru Jiuda mindagu ralalom ru guang, ‘Tuhan, i Aki Kapuuno' Ondo' Maayo Kaga' Kuasa' nangikang noyo ra ulun Nano ondo' minayan giu' ra Jirusalim.’

JAKARIA 12:5 ပူးပေါင်းရင်းမြစ်များ

MAZMUR 144:1

Mazmur ri Daut. Omporo' noyo Tuhan, manindung raki'! Mangubas Io raki' koson ra mantutura', am mampatampos raki' koson mangayou.

MAZMUR 18:32

Tuhan noyo rorondo' i Aki Kapuuno'; i Aki Kapuuno' ayuk manungka' ritakau.

MAZMUR 18:39

Lambaan ku saboi ilo kalo makasukal; ra saang ru mato kuno maaba' ilo am maala.

MAZMUR 46:1

Mazmur ru bansa' ri Kora. Ra tingganai santimungan maririmbai. Ra rimbai ri Alamot.

JISAYA 1:10

Alii ra Jirusalim, tingganai am ulun muno koson boo ra ulun Sodom am Gomora. Rongogo' noyo ragu ru Tuhan no ramuyun. Guango' min pangilaan ri Aki kapuuno' takano.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 1:26

Aniin Takamin ra sangulun tingganai am ulun maminson koson ra galing i ayuk poyo. Bagu no Jirusalim no sabiton ra bandar ondo' matimpok am gumagaya'.”

JISAYA 28:5

Masuku' niayuk bulintok paat ra Tuhan Ondo' Maayo Kaga' Kuasa' masauk koson ra sampungu bunga' ondo' maantak ra ilo ondo' naayag.

JISAYA 28:6

Mangani' Io ra paliso matimpok ra akim-akim, am kinabaani ra ulun ondo' nangampin ra garabang subalan ra bandar intor ra owoyon.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 32:1

Orou ra matong no sangulun raja' mamarinta ra matimpok, am ngaangai' tingganai ru bansa' mapaugar ra katimpakan.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

JISAYA 60:17

Ibitin Tokou ra mas koson suali ru gangsa', pirok koson suali ru basi', gangsa' koson suali ru tataun, am basi' koson suali ru batu. Ilo mangunguasa' muno kalo boo mangimbolo' rirun; mangkinibit Aku risilo mamarinta ra matimpok am kalinuos ayuk.

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 12:4

Paat raginio ilaanon Ku ngaangai' kuda, am ulun-ulun nangura' ra kuda masauk ra mantuyang. Alungin Ku mamagun ru Jiuda, kaa' bolowon Ku mato ru kuda ru pantula' nilo.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 14:14

Mamagun ru Jiuda mangayou koson manaung ra Jirusalim. Gaawon nilo rapu' ru ngaangai' bansa' – mas, pirok am bayang ondo' masuang kaga'.

TINGGANAI RU BANSA' 5:9

Bansuk ru guang kuno ra ngaangai' panglima ru Israil am ra mamagun ondo' masaga' mangayou. Omporo' noyo Tuhan!