JAKARIA 12:3 - Tanou Moonsoi Timugon

³ Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.

JAKARIA 12:3 ပူးပေါင်းရင်းမြစ်များ

JISAYA 60:12

Kaa' bansa'-bansa' ondo' kalo gumagaya' rirun iono pusoon lingono'.

OBAJA 1:18

Papag ri Jakub am i Jusup koson ra apui, pusoon nilo papag ri Isau koson ra apui monolob ra rami. Kolondo' sangulun pana intor ra papag ri Isau maayag. Aku, Tuhan nakaindagu noyo.

MIKA 5:8

Kalaan ru Israil pantula' nilo am mamuso risilo ngaangai'.

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

JIPANYA 3:19

Masaboi paat no; ukumin Ku ulun nangimbolo' ramuyun. Bayagon Ku ulun kimpo', am ibiton muli' ulun ondo' pinatiran. Mangkinibit Aku ra ulun mangurumat risilo, saboi giu' ra titikop ru tana', kalo boo asabin ilo.

AGAI 2:22

mamparatu' ra pamarintaan, am manutuk ra kuasa' nilo. Palapiaton Ku kurita'-kurita' kuda am ulun nampaugar no; ngaangai' kuda matoi am ulun-ulun nangura' no mampatoi ra rondo' am bokon.

JAKARIA 12:11

Paat raginio mokoondo' manulaboi giu' ra Jirusalim koson ra manulaboi ri Gadad-Rimon giu' ra Limayak Migido.

JAKARIA 12:4

Paat raginio ilaanon Ku ngaangai' kuda, am ulun-ulun nangura' ra kuda masauk ra mantuyang. Alungin Ku mamagun ru Jiuda, kaa' bolowon Ku mato ru kuda ru pantula' nilo.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

JAKARIA 14:13

Paat raginio Tuhan mambaal risilo maubong kaga' am malaa' kaga' saboi moonong ulun mamulunsar am mamparakop ra ulun ra sapapa' nano.

JAKARIA 14:6

Paat raginio, kolondo' boo bulintok masimu' am kolondo' bolobou ondo' kumotog,

MATIUS 21:44

Osoi ayuk maratu' am makaingku' ra batu raginio matutuk; am amon ru batu ti makatiu' ra sasangulun, io no ligison ru batu no saboi saukon ra kaau.]

LUKAS 20:18

Moonong ulun ondo' maratu' pokoontot ra batu no matutuk; am amon ru batu ti maratu' ra sasangulun, maaru' matutuk io.”

PINAINTALANG 16:14

Sotopot no, ilo ti riwato ondo' mambaal ra kaimuagan. Katalu-talu riwato no mongoi panimung ra ngaangai' raja' ru tana' ti koson mangayou paat ra Orou maayo ri Aki Kapuuno' ondo' Maayo Kaga' Kuasa'.