JAKARIA 11:8 - Tanou Moonsoi Timugon

⁸ Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

JAKARIA 11:8 ပူးပေါင်းရင်းမြစ်များ

1 RAJA'-RAJA' 11:25

Raja' Rijon nasauk ra pantula' ru Israil paat ra Raja' Salomo naayag.

MAZMUR 106:40

Ginio ra Tuhan sumangit ra ulun Nano; am mataman Io magilong risilo.

MAZMUR 5:5

Iou Aki Kapuuno', kalo masaga' Kou ra kalaatan; kalo kasagain Mu ulun malaat soroi ra saang Muno.

MAZMUR 78:9

Ulun ri Ipraim ondo' nampaguut ra panah am tanggayan nano, magiru' bulintok ra pangayawan.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JIRIMIA 12:8

Ulun pinili' Kuno minanggal Raki'; koson ra singa' giu' ra gimbaan koon raginio noyo ra ilo sumingangal Raki'. Ginio sabap ra masisang Aku risilo.

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

YEHEZKIEL 14:5

Ngaangai' sinungkalalaing no nampainggalur ra ulun ru Israil intor Raki', kaa' taam Kuno malansan Aku manimayo risilo sumaguli' Raki'.’

YEHEZKIEL 16:45

Sotopot no okou noyo anak ru ina' muno. Masisang ina' muno ra ralaki am anak-anak nano. Koson kou ra pabukat-pabukat ruandu' muno ondo' masisang ra ralaki am anak nilo. Ina' muno ulun ru Git am ama' muno ulun ru Amori.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

GOSIA 5:7

Kalo gumagaya' ilo ra Tuhan; anak-anak nilo sala' ka anak-anak Nano. Ginio ra, kalo boo mabuoi ilo am tana' nilo pusoon.

GOSIA 9:15

Indagu Tuhan, “Ngaangai' kalaatan nilo timinalimpuun giu' ra Gilgal. Giu' no Aku timinalimpuun masisang risilo. Pinagiru' Ku ilo intor ra pagun Kuno sabap ra kalaatan ondo' binaal nilo. Kalo boo motogom Aku risilo. Ngaangai' tingganai nilo giminuor Raki'.

IMAMAT 26:11

Mayan Aku ramuyun ralalom ru Kim Kuno, am kalo toojo mangimpai ramuyun.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

LUKAS 12:50

Mokoondo' kaimbalaan masauk Raki' am mumpara' boo labo Kuno saboi ngaangai' no mopongo!

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

JUANIS 15:18

“Amon ru kasisangin kau ru ulun ru tana' ti, karaa' min ra Aku galing nasisangan nilo.

JUANIS 7:7

Akau kalo kasisangin ru ulun ru tana' ti, kaa' Aku kasisangin nilo, sabap ra masalok Aku mampasalula' ra kalaatan nilono.

SAGULION 32:19

“Paat ra nakito ru Tuhan baal raginio, sangit Io, anak Nano ra ungkuyon am ruandu', inimpayan No.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”