JAKARIA 11:7 - Tanou Moonsoi Timugon

⁷ Ulun mantalan ra domba nampagaji' raki', am aku pana nasauk ra magagalung ru domba sampanon ondo' simbaluyon. Alapon ku ruo jujuga': ondo' rondo' inggalanin ku “Kataawan” am ondo' rondo poyo “Pasimpungan”. Tumalimpuun aku boo magalung ra domba-domba no.

JAKARIA 11:7 ပူးပေါင်းရင်းမြစ်များ

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

MAZMUR 90:17

Iou Tuhan, i Aki Kapuuno' mai, barakato' akai no, am anii' akai ra ampos moonsoi ra atan ayuk kondoyon mai.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JIRIMIA 39:10

Tinatang no kukula' ngaulun ondo' musikin kaga' giu' ra Jiuda, ilo ondo' kolondo' linonggom ra atan pana, am inanian no ilo ra umo ru anggur am umo.

IMAMAT 27:32

Sanginan intor ra moonong mopor ngainan bibiag tinambiag masauk ra Tuhan tatangan. Paat untobon bibiag no, moonong ondo' koopor masauk ra Tuhan tatangan.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

JIPANYA 3:12

Ulun ondo' asabin am ondo' minggana' guang polosoon Ku mayan ra giu' no. Matong ilo makiindangan Raki'.

JAKARIA 11:14

Kopongo raginio namandak aku ra tataun karuo, ondo' ininggalanan “Pasimpungan”, am naukat noyo pabukatan ru Jiuda am Israil.

JAKARIA 11:4

Tuhan, i Aki Kapuuno' kuno mindagu raki', “Baalo' noyo koson sangulun magagalung kou ondo' magalung ra domba ondo' simbaluyon.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MARKUS 12:37

I raja' Daut galama' nampiau Riso ‘Tuhan’. Ati kulaan Mamamayag ondo' sinusub ri Aki Kapuuno' no masauk ra papag ru raja' Daut?” Ulun masuang maansayan mangkirongog ra pangilaan ri Jisus.

JUANIS 10:16

Mokoondo' Aku poyo ra domba-domba ra bokon ondo' kalo nakaaya' ra tayar ragitio. Ilo pana musiti' Ku ibiton, am mokorongog ilo boo ra bolos Kuno. Ilo ti simpungon Ku am rondo' ayuk magagalung risilo.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

1 SAMUIL 17:40

Kopongo raginio nagibit io ra jujuga' ru magalung nano, am nangalap ra limo batu ondo' tapungol intor ra sungoi, am batu no pinasuang ra ralalom ru kantungan nano. Nabaya' ra pamalastik ra kalindu' nano minongoi io tingkuang ri Goliat.

1 SAMUIL 17:43

Indagu i Goliat ri Daut, “Atan pakuan ra jujuga' no? Mangkara' kou kia ra aku ti uku'?” Nagulas i Goliat ri Daut ralalom inggalan ru dewa-dewa nano.