JAKARIA 11:6 - Tanou Moonsoi Timugon

⁶ Indagu Tuhan, “Kalo makaasi' Aku ra osoi pana ra tana' ti. Aku galama' mampataak ra ngaangai' ulun ra ralalom kalindu' ru ulun manguasa' risilo. Ulun-ulun manguasa' no mamuso ra tana' ti, am kalo bayagon Ku io intor ra kuasa' nilo.”

JAKARIA 11:6 ပူးပေါင်းရင်းမြစ်များ

MAZMUR 50:22

Rongogo' min, akau ondo' mampalilian Raki', amon ru kalo, pusoon Takamin; am kolondo' sangulun pana makapamayag ramuyun no.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 3:5

Moonong ulun mangimpai ra ulun bokon. Ulun mamulok kalo boo mangurumat ra ulun matutuo, am ulun kolondo' pangkat kalo boo mangurumat ra ulun makapangkat.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

SULABOI 2:21

Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.

SULABOI 5:8

Kinuasa' akai ru ulipon, am kolondo' ulun ondo' makakuasa' mampalabus ramon intor risilo.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

GOSIA 1:6

I Gomir pana maapang poyo am naganak sangulun anak ruandu'. Indagu Tuhan ri Gosia, “Inggalani' anak raginio ‘Kalo Tagamin’, sabap ra kalo boo makaasi' Aku kapoam mangampun ra bansa' ru Israil.

GOSIA 2:10

Langgain Ku ngaangai' pangiantakan nano – ondo' kia pangiantakan kabilaran am poyo pangiantakan kasilaan am orou Sabat – ngaangai' pangiantakan ru ugama nano.

MIKA 5:8

Kalaan ru Israil pantula' nilo am mamuso risilo ngaangai'.

MIKA 6:14

Mangakan kau, kaa' kalo maasug; maitilan kau ayuk. Mantakou kau ra kuliamos, kaa' kalo mabulian min. Ngaangai' atan ondo' pinauli min pusoon Ku ralalom ru pangayawan.

AGAI 2:22

mamparatu' ra pamarintaan, am manutuk ra kuasa' nilo. Palapiaton Ku kurita'-kurita' kuda am ulun nampaugar no; ngaangai' kuda matoi am ulun-ulun nangura' no mampatoi ra rondo' am bokon.

JAKARIA 11:14

Kopongo raginio namandak aku ra tataun karuo, ondo' ininggalanan “Pasimpungan”, am naukat noyo pabukatan ru Jiuda am Israil.

JAKARIA 11:5

Ulun-ulun tatangan ra domba nanimbalui ra sampanon ru domba no kaa' kalo ukumin ilo; nantalan ilo ra kual ru domba no am indagu, ‘Koompor noyo Tuhan! Langkaya' akai!’ Magagalung-magagalung no kalo makaasi' ra domba tinambiag nilo.”

JAKARIA 11:9

Kopongo raginio indagu aku ra domba sampanon no, “Marara' aku boo magalung ramuyun. Ondo' matoi, polosoon matoi. Ondo' mapuso, polosoon mapuso. Ondo' lakat poyo maayag mampatoi ra rondo' am bokon.”

JAKARIA 14:13

Paat raginio Tuhan mambaal risilo maubong kaga' am malaa' kaga' saboi moonong ulun mamulunsar am mamparakop ra ulun ra sapapa' nano.

JAKARIA 8:10

Kalo poyo raginio, kolondo' ulun ondo' makaandar mampagaji' kapoam mampasiwa' ra bibiag, am kolondo' ulun ondo' makaliman ra mamimio intor ra ulisoon ru pantula'. Nangkinibit Aku ra ulun mansasangor.

MALIAKI 4:6

Baalon no ama' am anak rondo' guang, maa' raginio Aku kalo matong koson mamuso ra pagun min.”

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

MATIUS 22:7

Paat ra raja' ti nokorongog ra baal raginio, siminangit io kaga'. Panusub io ra saujor-saujor nano mongoi pamatoi risilo am ponolob ra bandar nilono.

MATIUS 24:10

Paat raginio masuang ulun kalo boo mangintopot Raki'. Ilo ti mampataak ra rondo' am bokon ra pantula' am mansisang rondo' am bokon.

JUANIS 19:15

Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.