JAKARIA 11:5 - Tanou Moonsoi Timugon

⁵ Ulun-ulun tatangan ra domba nanimbalui ra sampanon ru domba no kaa' kalo ukumin ilo; nantalan ilo ra kual ru domba no am indagu, ‘Koompor noyo Tuhan! Langkaya' akai!’ Magagalung-magagalung no kalo makaasi' ra domba tinambiag nilo.”

JAKARIA 11:5 ပူးပေါင်းရင်းမြစ်များ

2 RAJA'-RAJA' 4:1

Paat ra sangarawan, napuor ru sangulun nabi minatong ri Ilisa am indagu, “Tuan, minatoi noyo ralaki kuli! Nakapandai kou ra io sangulun ondo' gumagaya' ri Aki Kapuuno' kaa' nagutang io ra sasangulun. Raino ulun no minatong koson mampagaau ra ruo ngaulun anak ungkuyon kuno am saukon ilo ra ulun inulipon koson mambayar ra utang ru ralaki kuli.”

NIGIMIA 5:8

am indagu aku, “Mingkotog akai toojo mamuli' ra ulun ru Jaudi ondo' nantalan kalalaat ra inan nilo ra ulun bansa' ra bokon. Kaa' raino akau pinai boo ondo' mampajajal risilo mantalan ra inan nilo ramuyun, alika akau niayuk ulun ru Jaudi!” Tingganai-tingganai no nongkokoror ayuk, am kalo timinaam ra atan pana.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

JIRIMIA 50:7

Binulunsar ilo ru osoi ayuk ondo' nakakito risilo. Indagu pantula' nilo, ‘Ulun ragitio makatula noyo ra Tuhan. Ginio ra atan ondo' baalon takau kolondo' sala. Kinamatuaan nilai mangintopot ra Tuhan, am musiti' no ilo pana gumagaya' ayuk Riso.’

YEHEZKIEL 34:10

Aku, Tuhan Raja', mampatanou ra Aku pantula' min. Alapon Ku domba-domba Kuno intor ramuyun, am domba-domba kalo boo palansanin ramuyun. Kalo boo mangiou Aku ramuyun magalung ra kaatangan min galama' ayuk. Bayagon Ku domba-domba maa' raginio kalo masauk ra akanon min.’ ”

YEHEZKIEL 34:21

Sangawon min am anjungon min domba ondo' marualan saboi maanjung ilo intor ra sampanon ru domba.

YEHEZKIEL 34:6

Domba-domba Kuno pana timinanggau boo ra bulur am gunung, nantutuliar ra tana' ti. Kolondo' sangulun pana naguyum kapoam minirot koson mokoowot ra domba-domba no.

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

GOSIA 12:9

Konilo, ‘Langkaya' akai raino. Masuang rapu' mai. Kolondo' osoi pana makapanguu' ramon nambaal ra malaat.’

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

JUANIS 10:1

“Balain takamin toojo: Ulun ondo' sumubol ra kandang ru domba kalo maya' ra kulobon, kaa' mangkiwa' ayuk ra timbok, io no sangulun mantatakou am mampapagaau.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

PINAINTALANG 18:13

am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.