JAKARIA 10:11 - Tanou Moonsoi Timugon

¹¹ Paat ra ilo lumaup ra raat ru kapaganan, Aku, Tuhan mampalamba' ra kinulun ondo' mangimbolo', saboi Sungoi Nil pana mapua' kalingon. Ulun ru Asyur ondo' lumimbau mampainggana' ra guang, am Misir ondo' maikang kaga' matatakan ra kuasa'.

JAKARIA 10:11 ပူးပေါင်းရင်းမြစ်များ

KASAUKAN 8:1

Kalo napalilian i Aki Kapuuno' ri Nuu am ngaangai' bibiag ondo' nababaya' riso ralalom ru kapal no. Pinagangin No saboi miniit rosob.

2 RAJA'-RAJA' 2:14

Lambaa' no timug ru sungoi no ra sukub ri Ilia, am indagu, “Ati nua' Tuhan, i Aki Kapuuno' ri Ilia?” Kopongo raginio lambaa' no poyo timug ru sungoi no, am kapiruo timug no, ugar boo i Ilisa laup ra sungoi no.

2 RAJA'-RAJA' 2:8

Kopongo raginio aluso' ri Ilia sukub nano, ruluno' no, am palambaa' ra timug ru sungoi no. Kalapak timug ru sungoi no napiruo saboi i Ilia am i Ilisa nakalaup ra sungoi minugar ra lonor ondo' mapua'.

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

MAZMUR 114:3

Raat Galaga magilong am pagiru', Sungoi Jordan liminonggo' tumilis.

MAZMUR 114:5

Atan kia kinibit saboi okou magiru', alii ra raat? Kua kia longgo' tumilis, alii ra Sungoi Jordan?

JISAYA 14:25

Pusoon Ku ulun ru Asyur giu' ra Israil pagun Kuno, am manginginjang risilo intor ra rasawat ru gunung-gunung Kuno. Palabuson Ku ulun Kuno intor ra pangimbalaan ru ulun ru Asyur am intor ra kapaganan nilono.

JISAYA 19:16

Bulintok no masuku' paat ra ulun ru Misir masauk koson ra ruandu' matalou. Monontol ilo malaa' paat makakito ra Tuhan Ondo' Maayo Kaga' Kuasa' manulu' koson mangukum risilo.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 44:27

Ralalom ru panusuban Kuno, raat masauk malasakan.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

YEHEZKIEL 30:13

Indagu Tuhan Raja', “Pusoon Ku sinungkalalaing no am dewa-dewa giu' ra Mimpis. Kolondo' boo raja' ondo' mamarinta giu' ra Misir am baalon Ku ngaangai' ulun malaa'.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.

PINAINTALANG 16:12

Pasasaro' boo ru malaikat koonom no suang ru sangkir nano ra sungoi Iprat ondo' maayo no. Ginio ra sungoi no liminasak saboi nasauk ra intok pansailan ru raja'-raja' ondo' intor ra sirangon no.