Paat i Josua soroi maar ra bandar Jiriko, pulali' io nakakito ra sangulun ungkuyon nampaguut ra ilang, minigor ra saang nano. Inggaar i Josua riso am kuati', “Okou ti saujor mai kia kapoam sangulun pantula'?”
Nagilong aku ra rasawat am nakito ruo ngaulun ruandu' nansiab mongoi raki'. Mokoondo' ilo ra kawo ondo' maikang koson ra kawo ru susuit kanawai. Inalap nilo bakul ni am inibit nansiab.
Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.
I Jidikia anak ri Kinaana, sangulun intor ra nabi no, nambaal ra kukula' sangau ru basi' am indagu ra Raja' Agab, “Koon raginio ragu ru Tuhan, ‘Sangau-sangau basi' ti noyo makapangala kou ra ulun ru Siria saboi maala ilo kalingon.’ ”
Nanusub malaikat no raki' nampatanou ra tanou ti niayuk, “Tuhan Ondo' Maayo Kaga' Kuasa' minindagu ra bandar-bandar Nano langkaya' saguli' am igondo' poyo mangindangan Io ra Jirusalim am mangiou riso koson ra longgom Nano galama'.”
Nangkuot aku ra malaikat ondo' minindagu raki', “Atan kia arati' ru sangau-sangau no?” Timinaam io, “Sangau-sangau no tatandu' ru kuasa' pamarintaan ru tana' ti ondo' nampatutuliar ra mamagun ru Jiuda, Israil am Jirusalim.”