JAKARIA 1:17 - Tanou Moonsoi Timugon

¹⁷ Nanusub malaikat no raki' nampatanou ra tanou ti niayuk, “Tuhan Ondo' Maayo Kaga' Kuasa' minindagu ra bandar-bandar Nano langkaya' saguli' am igondo' poyo mangindangan Io ra Jirusalim am mangiou riso koson ra longgom Nano galama'.”

JAKARIA 1:17 ပူးပေါင်းရင်းမြစ်များ

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

NIGIMIA 11:20

Mamagun ru Israil, imam-imam am ulun-ulun ru Liwi ondo' soroi no minayan giu' ra tana' nilo galama' giu' ra bandar-bandar am ngaangai' pekan giu' ra Jiuda.

NIGIMIA 11:3

Giu' ra ngaangai' pekan am bandar-bandar ra bokon, mamagun ru Israil, imam-imam, ulun-ulun ru Liwi, ulun-ulun mangandoi ra Baloi ru Tuhan, am papag ru ulipon-ulipon ri Salomo mayan giu' ra bandar am giu' ra tana' ru sigagama'. Gitio noyo suang ru inggalan ru ulun maatang intor ra wilayah Jiuda ondo' mayan giu' ra Jirusalim:

MAZMUR 69:35

Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 54:8

Sangkinolor ayuk Aku timinalikur rirun sabap ra sangit Kuno ra lumuab-luab. Kaa' ralalom ru togom makaasi' Aku rirun.” Gini noyo ragu ri Aki Kapuuno' Mamamayag rirun.

JISAYA 66:13

Bansukon Takamin giu' ra Jirusalim, koson ra ina' mapabansuk ra anak nano.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

JIRIMIA 33:13

Giu' ra bandar-bandar ra tampilon kabuluran, giu' ra lonson toojo ru bulur, giu' ra tampilon rabugus ru Jiuda, giu' ra wilayah ru Binjamin, giu' ra pekan-pekan ra liliut ru Jirusalim, am giu' ra bandar-bandar ru Jiuda, igondo' poyo magagalung-magagalung manguntob ra domba nilo. Aku, Tuhan, nakaindagu noyo.”

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

YEHEZKIEL 36:33

Indagu Tuhan Raja', “Mopongo Takamin maimpasawan intor ra ngaangai' tula mino, iowon Takamin mayan poyo giu' ra bandar-bandar mino, am mamuna' ra nangalunsai no.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

OBAJA 1:20

Pulalai ru ulun pinatiran intor ra tampilon ralayo sumaguli', am manguasa' ra Pinisia saboi ra Jarpat giu' ra ralayo. Ulun intor ra Jirusalim ondo' pinatiran giu' ra Sardis, sumaguli' am manalingaau ra bandar-bandar giu' ra tampilon rabugus ru Jiuda.

JAKARIA 1:14

am malaikat no pana nanusub raki' mampatanou ra ragu ru Tuhan Ondo' Maayo Kaga' Kuasa', “Motogom Aku kaga' ra bandar Jirusalim am mampalio ra bandar Kuno ondo' matulai no.

JAKARIA 1:18

Ralalom ru pinaintalang ra bokon, nakito ku apat sangau ru sapi'.

JAKARIA 2:12

Igondo' poyo Jiuda masauk ra longgom ru Tuhan ayuk giu' ra tana' Nano ondo' matulai, am Jirusalim masauk ra bandar ondo' tagamin Nano kaga'.

JAKARIA 2:4

Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

JAKARIA 3:2

Malaikat ru Tuhan minindagu ra Tingganai ru riwato, “Gama' ru mangukum Tuhan rirun, okou Tingganai ru riwato! Gama' ru Tuhan ondo' motogom ra Jirusalim mangukum rirun. Ulun ti koson ra polompor ru tataun ondo' binunduk intor ra apui.”

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.