IPISUS 6:9 - Tanou Moonsoi Timugon

⁹ Tuan kau ngai', akau pana musiti' mampakito ra paliso matanda' ra ulipon mino. Karaa' min ra akau am ulipon mino mokoondo' sangulun Tuhan giu' ra suruga', am Io kalo mampili' ra ulun.

IPISUS 6:9 ပူးပေါင်းရင်းမြစ်များ

NIGIMIA 5:5

Itakau ngaangai' bansa' ru Jaudi. Sala' ka kia anak-anak takano pana nogondo' bonsoi no ra anak-anak ru Jaudi ra bokon? Kaa' pinoloso mai kalalaat anak-anak mai nasauk ra ulipon. Mokoondo' poyo kukula' ngaulun anak ralaa mai ondo' tinalan noyo nasauk ra ulipon. Kolondo' nabaal mai ra atan pana sabap ra umo am umo ru anggur mai nasauk noyo ra longgom ru ulun ra bokon.”

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

MAZMUR 140:12

Polosoon noyo ulun ondo' manimbaal ra ulun bokon kolondo' ampos, pai' polosoo' ulun ra manimbaal no mayan ra tana' ti.

MAMPATANOU 5:8

Raja' pana malansan ra ampos kinumos.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

DANIL 3:6

Osoi ayuk ondo' kalo migulatur am sumamba riso indibakin papatiron ra ralalom ru rapuan ondo' bibilak.”

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 22:10

Ulipon-ulipon no pana ugar boo. Ongoi ilo ra ralan mangaayo am timungo' nilo ngaangai' ulun ra nauma' nilo ra giu' ni, ondo' moonsoi kapoam malaat. Nososok boo intok ru bunsag paguatan i ra tambului.

MATIUS 22:8

Kopongo ragili piawo' no ulipon-ulipon nali, am indagu, ‘Bunsag paguatan ti nakatampos noyo, kaa' tambului ondo' binalaan kalo maaya'.

MATIUS 24:48

Kaa' amon ru ulipon ti ulun malaat, mampaguang io, ‘Mabuoi tuan kuli sumaguli'.’

MATIUS 24:51

Tuan no pana monotok boo ra ulipon ti am poongoyon no intok ra ulun mangalaat. Giu' no mantangi' io am manguritot ripon nano.”

MATIUS 7:12

“Baalo' min noyo ra ulun ra bokon, atan ondo' kasagaan min ilo mambaal ramuyun. Gitio noyo suang ru Ukum ri Musa am pangilaan ru nabi-nabi.”

LUKAS 6:31

Ondo' kasagaan min pamakuan ru ulun bokon ramuyun, ginio niayuk pamakuan min risilo.

JUANIS 13:13

Mampiau kau Raki' ra Mangingila' am Tuhan. Motopot noyo pampiawan mino, sabap ra Aku no Mangingila' am Tuhan.

RINALATAN 10:34

Indagu boo i Pitrus, “Bagu aku nakatutun ra nogondo' ayuk ngaangai' ulun ra pagilangan ri Aki Kapuuno'.

ROMA 2:11

Sabap ri Aki Kapuuno' kalo mampili' ra ulun ondo' akimin Nano.

1 KORINTUS 7:22

Sabap ra sangulun ulipon ondo' piniau ru Tuhan, sotopot no pinalabus io no ru Tuhan. Mogondo' niayuk ra sangulun sala' ka ulipon ondo' piniau ru Tuhan, uliponon io no ri Kristus.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

KOLOSI 3:25

Am osoi ayuk ondo' mambaal ra tula, io galama' magiba' ra balos ru tula nano sabap ra ukum ri Aki Kapuuno' pogondoon ra ngaangai' ulun.

KOLOSI 4:1

Tuan kau ngai', moonsoi paningganayan min ra ulipon mino motopot am kalo mampili' ra ulun. Karaa' min ra akau pana makatuan giu' ra suruga'.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,