IPISUS 6:5 - Tanou Moonsoi Timugon

⁵ Ulipon kau ngai', gagaya' am urumato' noyo tuan mino; gagayaa' min ilo toojo koson ayuk gumagaya' kau ri Kristus.

IPISUS 6:5 ပူးပေါင်းရင်းမြစ်များ

KASAUKAN 16:9

Indagu malaikat no, “Ruli' no riso am sauk noyo ra ulipon nano.”

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

MAZMUR 123:2

Koson ra sangulun ulipon sumingkayut ra tuan nano, am sangulun ulipon ruandu' ra puan nano, koon niayuk ramon lumansan Rirun, iou Tuhan, i Aki Kapuuno' mai, saboi Okou makaasi' ramon.

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MATIUS 6:22

“Mato muno koson ra lampung ru inan. Amon ru mato muno moonsoi, ngaangai' inan muno matawangan ru sinda no.

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

MATIUS 8:9

Sabap ra aku pana galama' gumagaya' poyo ra susuban ru masawat intor raki'. Mokoondo' aku ra saujor susubon kuno. Amon ru manusub aku ra sangulun saujor, ‘Ugar!’ Io pana mugar. Amon ru mindagu aku ra ulun bokon ‘Ibok!’ Io pana matong. Amon ru manusub aku ra ulipon kuno, ‘Baalo' gitio!’ Io pana gumagaya'.”

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

1 KORINTUS 2:3

Gili boo ra aku soroi ramuyun, malawo guang kuno am nalaa' aku toojo saboi nonontol.

1 KORINTUS 7:22

Sabap ra sangulun ulipon ondo' piniau ru Tuhan, sotopot no pinalabus io no ru Tuhan. Mogondo' niayuk ra sangulun sala' ka ulipon ondo' piniau ru Tuhan, uliponon io no ri Kristus.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 7:15

Am rumuang poyo kinotogom nano ramuyun, paat ra io nakakara' ra ati kulaan kau ngaangai' giminagaya' ra panusuban nali, am niayuk ati kulaan kau nangapu riso ra guang minggana' am urumat.

IPISUS 5:22

Andu' kau ngai', gagaya' kano ra ralaki min, koson niayuk ra akau mangurumat ra Tuhan.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

PILIMON 1:16

Am raino sala' ka sangulun ulipon io ayuk, kaa' mulu' poyo intor raginio, io sangulun pabukat muno ra Kristian ondo' tagamin mu. Mokoonong io raki' am mulu' poyo rirun, koson ra sangulun ulipon am niayuk ra sangulun pabukat muno ondo' mangintopot ra Tuhan.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

1 PITRUS 3:2

Am kabalu' pana ra kalo mindagu kau risilo intor raginio, makakito ilo no ra kaayagan min ra mapasau no am ati kulaan gagaya' mino ri Aki Kapuuno'.