IPISUS 6:4 - Tanou Moonsoi Timugon

⁴ Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

IPISUS 6:4 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

1 TUNUNG RU BANSA' ISRAIL 29:19

Anii' noyo anak kutu, i Salomo, gogoton ondo' totopot koson gumagaya' ra ngaangai' susuban Muno am koson mambaal ra baloi sambayangan ondo' ula' no tinampos ku noyo.”

AMSAL 19:18

Ubason anak ra lakat poyo mamulok. Amon ru kalo, mangkinibit kau ra ilo matutuk.

AMSAL 22:15

Lalaing maubas mambaal ra baal ra saasala', kaa' lalapos makaila' risilo mangulau ra paliso.

AMSAL 22:6

Ilaa' noyo anak no ra ralan kaayagan ondo' motopot, am saboi matutuo pana kaayagan nano kon raginio.

AMSAL 29:15

Pangubasan am pansawayan mapasauk ra ulun mapintar. Anak ra masalok gagayaan kitaakon nano mapakauyu' ra ina' nano.

AMSAL 29:17

Ubaso' noyo ngaangai' anak mino; am manimayo ilo ramuyun am bansukon kau.

JISAYA 38:19

Ulun naayag ayuk mongompor Rirun, koson ragino ra aku mongompor Rirun. Ama' nantunung ra gagaya' Muno ra anak nilono.

IPISUS 6:3

“Maa' raginio moonsoi ayuk kaayagan min am maawar boo umur min ra tana' ti.”

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 6:7

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

KOLOSI 3:21

Matuo kau ngai', pai' min sinduali' guang ru anak mino saboi malawo guang nilo.

2 TIMOTIUS 1:5

Makakara' aku poyo ra pangintapatan muno ondo' mabanis, mogondo' ra pangintapatan ru aru' muno i Lois am niayuk ina' mu i Unis. Nakatainu aku ra okou pana mangintopot mogondo' risilo.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

TINGGANAI RU BANSA' 13:12

Pangkuot boo i Manoa, “Amon ru atan ondo' rinagu muno masauk ra maagu no, atan kia ondo' musiti' baalon ru anak raginio? Ati kulaan baal ru bayag nano ra maagu no?”