IPISUS 6:21 - Tanou Moonsoi Timugon

²¹ I Tikikus mambala' ramuyun ra ngaangai' tanou kuno, maa' raginio makapandai kau ra ati kulaan kaayagan kuno. Io no sangulun mangngandoi ondo' tagamin am ondo' mampagagaya' ra kandoi ru Tuhan.

IPISUS 6:21 ပူးပေါင်းရင်းမြစ်များ

RINALATAN 20:4

Ulun ondo' minaya' riso i am i Sopatir anak ri Pirus intor ra Biria, i Aristarkus am i Sikundus ulun Tisalonika, i Gayus ulun ru Dirbi, i Tikikus am i Tropimus intor ra Akaya am poyo i Timotius.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

PILIPI 1:12

Pabukat ra Kristian kau, masaga' aku mapaintutun ramuyun ra atan ondo' nasauk raki' ti, sotopot no nangindangan poyo raki' ra papasabayan ra Tanou Moonsoi no.

KOLOSI 1:7

Inigigilaan min ragitio intor ra rangan mangangandoi mai i Ipapras, ondo' tagamin mai. Io sangulun mangngandoi ri Kristus ondo' sumugut toojo ra kandoi maatang maiti.

1 TIMOTIUS 4:6

Amon ru mangila' kou ra ngaangai' ti ra pabukat Kristian, okou sangulun ulipon ri Jisus Kristus ondo' moonsoi. Pangintapatan muno pana ikangon poyo ralalom ru pangilaan ra motopot ondo' sinugut mu noyo ra buoi ti.

2 TIMOTIUS 4:12

Pinoongoi ku noyo i Tikikus giu' ra bandar Ipisus.

TITUS 3:12

Paat ra poongoyon ku i Artimas kapoam i Tikikus rirun, kinam ongoi uma' raki' ra bandar Nikopolis. Sabap ra ginuang ku noyo ra bulintok ra masimu', masaga' aku mayan ra giu' no.

PILIMON 1:16

Am raino sala' ka sangulun ulipon io ayuk, kaa' mulu' poyo intor raginio, io sangulun pabukat muno ra Kristian ondo' tagamin mu. Mokoonong io raki' am mulu' poyo rirun, koson ra sangulun ulipon am niayuk ra sangulun pabukat muno ondo' mangintopot ra Tuhan.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

2 PITRUS 3:15

Karaa' min noyo guang pantataan ru Tuhan no rondo' kaluagan ondo' tinaakan ramuyun ra makaalap kau ra pamayagan. Gitio niayuk suang ru surat ri Paulus, pabukat ondo' tagamin takali, ra io nanulis ramuyun maya' ra kapintaran ondo' tinaakan ri Aki Kapuuno' no riso.