IPISUS 6:14 - Tanou Moonsoi Timugon

¹⁴ Ginio ra tampos kano koson sangulun saujor; ragu min ra motopot koson ayuk ra abot mino am guang min ra motopot koson ra bayang basi' mino.

IPISUS 6:14 ပူးပေါင်းရင်းမြစ်များ

2 RAJA'-RAJA' 3:21

Paat ra ulun ru Moab nokorongog ra talu ngaulun raja' no nakasaboi noyo koson mamulunsar risilo, ngaangai' ru ungkuyon ondo' makaandar mangayou, intor ra ondo' matutuo noyo kaga' saboi ra ondo' mamulok poyo kaga', piniau am pinosoroi giu' ra balitan ru pagun.

AYUP 29:14

Timbalos kutu mabanis ra kolondo' jamar; masalok ku paundukon katimpakan.

JISAYA 11:5

Parintaan no ulun nano ra matimpok am ralalom kabanisan ru guang.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

LUKAS 12:35

“Tampos kano manguma' ra atan ayuk ondo' maaru' masauk, koson ra ulun mambayang am mansikit ra lampung.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

2 KORINTUS 6:7

Mampabala' akai ra tanou motopot ralalom ru kuasa' ri Aki Kapuuno'. Kaayagan mai ra motopot koson ra kinandoi mangayou ondo' alapon mai mampabala' am niayuk mangampin ra Tanou Moonsoi.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

IPISUS 6:13

Sabap raginio, alapo' min noyo kinandoi mangayou ondo' pinongo ri Aki Kapuuno' ramuyun. Maa' raginio, paat ra malaat no mantipagon ramuyun maalap min niayuk ilo kaanggal. Mopongo boo pangayawan mino, lakat poyo maikang pangintapatan min.

1 TISALONIKA 5:8

Kaa' itakau ti maayag ra matawang, am musiti' masalok takau tumampos. Musiti' takau mangintopot ra Tuhan am motogom ra ulun bokon, ginio koson migampin takau ra bayang basi'. Am poyo kalansanan ra bayagon takau koson migampin takau ra tupi' basi'.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

PINAINTALANG 9:17

Ralalom pagilangan kuno, nakito ku kuda-kuda am ulun-ulun nangura' no: kubab nilo inangkupan ra bayang basi' koson ra kinalia' ru baa ru apui, kinotomou ru batu nilam, am kinasilou ru balirang. Ulu ru kuda-kuda koson ra ulu ru singa' am intor ra kabang nilono miningkual apui, lisun am niayuk balirang.

PINAINTALANG 9:9

Kubab nilono inangkupan koson ra bayang basi' ru saujor, am bolos ru kawo nilono koson ra kinasuang ru kurita' kuda ondo' magiribok mongoi ra pangayawan.