IPISUS 6:10 - Tanou Moonsoi Timugon

¹⁰ Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

IPISUS 6:10 ပူးပေါင်းရင်းမြစ်များ

1 TUNUNG RU BANSA' ISRAIL 28:10

Karaa' noyo toojo ra Tuhan nampili' rirun koson mambaal ra baloi ra rorondo' koson Riso. Ginio ra, raino baalo' noyo kandoi no ra guang mingkotog toojo.”

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

2 TUNUNG RU BANSA' ISRAIL 15:7

Kaa' akau musiti' maikang am baani. Kandoi ondo' baalon min aniin ra ampos.”

MAZMUR 138:3

Taamon Mu aku bulintok ra aku mampiau Rirun; kinaikang Mu aku saboi aku baani.

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

JAKARIA 8:9

Kaikango' guang mino! Raino morongog min ragu-ragu ondo' niayuk rinagu galing ru nabi-nabi paat ra batu maatang pinabanta' koson mambaal saguli' ra Baloi Kuno.

1 KORINTUS 16:13

Pagilalai' am pangintopot kano toojo, baani am mikang kau.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

IPISUS 1:19

Am niayuk ra makapandai kau ra mumpara' boo gayo ru kuasa' Nano ondo' mangandoi ra guang takau.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

KOLOSI 1:11

Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 JUANIS 2:14

Anak kau ngaangai', tulisin takamin sabap ra nakaulig kau ri Ama', io no i Aki Kapuuno'. Ama' kau ngaangai', tulisin takamin sabap ra nakaulig kau noyo ri Aki Kapuuno' ondo' soroi intor ra talimpuun i. Kamulakan kau ngaangai', tulisin takamin sabap ra akau maikang. Ragu ri Aki Kapuuno' soroi ra ralalom ru guang mino. Am naanggal min noyo Tingganai ru riwato.

1 SAMUIL 23:16

Minongoi i Jonatan tuum riso ra giu' no am napaikang riso ra i Aki Kapuuno' no manindung riso.