IPISUS 5:30 - Tanou Moonsoi Timugon

³⁰ Sabap ra itakau ti noyo tayar ru inan ri Kristus no.)

IPISUS 5:30 ပူးပေါင်းရင်းမြစ်များ

KASAUKAN 2:23

Indagu boo ulun no, “Gitio noyo io, ulun nogondo' raki' – bungul no intor ra bungul kuno, am kual no intor ra kual kutu. Inggalan no ruandu', sabap inalap io intor ra ungkuyon.”

ROMA 12:5

Koson niayuk ra itakau ulun, kabalu' pana masuang, kaa' itakau rondo' ayuk ralalom pasimpungan takau ri Kristus. Masisimpung takau ra rondo' am bokon koson ra tayar masimpung ra rondo' inan.

1 KORINTUS 6:15

Nakapandai kano ra inan mino koson ra santayaran ru inan ri Kristus. Ginio poyo, moonsoi kia ru alapon santayaran ra inan ri Kristus no am pasimpungo' ra ruandu' mantalan ra inan? Kalo, kalo noyo toojo.

IPISUS 1:23

Pasimpungan ulun Kristian ti noyo inan ri Kristus, ioginio kaukapan ri Kristus ondo' galama' mampaukop ra ngaangai' ra ati-ati ayuk.

IPISUS 5:29

Kolondo' sangulun pana masisang ra inan nano galama', kaa' paikangon am alungin no toojo, koson niayuk i Kristus magalung toojo ra pasimpungan ulun Kristian no.

KOLOSI 2:19

Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.