IPISUS 5:28 - Tanou Moonsoi Timugon

²⁸ Mogondo' raginio, moonong ralaki musiti' motogom ra andu' nano koson io monogom ra inan nano galama'. Osoi ayuk motogom ra andu' nano, kaayagan nano galama' niayuk tagamin no. (

IPISUS 5:28 ပူးပေါင်းရင်းမြစ်များ

MATIUS 19:5

I Aki Kapuuno' pana mindagu, ‘Anak ungkuyon mangiruan ra ama' am ina' nano mongoi simpung ra andu' nano am ilo ti masauk rondo'.’

IPISUS 5:25

Ralaki kau ngai', tagami' noyo andu' mino, mogondo' ri Kristus nonogom noyo ra pasimpungan ulun Kristian am niayuk nampataak ra painawo Nano koson ilo.

IPISUS 5:29

Kolondo' sangulun pana masisang ra inan nano galama', kaa' paikangon am alungin no toojo, koson niayuk i Kristus magalung toojo ra pasimpungan ulun Kristian no.

IPISUS 5:31

Mokoondo' niayuk tinulisan ra Buuk Kitab ra, “Ginio sabap ra sangulun ungkuyon sumuai ra matuo nano am masimpung ra andu' nano, am ilo karuo no masauk rondo'.”

IPISUS 5:33

Ginio pana makakulawit niayuk ramuyun: moonong ralaki musiti' motogom ra andu' nano koson riso galama', am niayuk moonong andu' musiti' gumagaya' ra ralaki nano.

1 PITRUS 3:7

Am mogondo' niayuk ramuyun ralaki kau ngai', pakaintutun kano ra intor ra akau mansawo, andu' min ti noyo ondo' karaan ra molomoi. Urumato' noyo ilo ti, sabap ra ilo pana mogondo' ramuyun makaapu ra taak, ioginio kaayagan intor ri Aki Kapuuno'. Gagayaa' min ginio, maa' raginio kolondo' boo mokopongompong ra pakiasian mino.