IPISUS 5:26 - Tanou Moonsoi Timugon

²⁶ Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

IPISUS 5:26 ပူးပေါင်းရင်းမြစ်များ

YEHEZKIEL 16:9

“Kopongo raginio nangalap Aku ra timug am nambagu' ra raraa' ondo' soroi ra inan muno. Linuitan Ku kungkung muno ra umau jaitun.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

IMAMAT 14:11

Magibit imam ra ulun no am ngaangai' taak no giu' ra kulobon ru Kim ru Tuhan.

IMAMAT 16:30

Paat ra orou raginio musiti' baalon upacara mamasau risilo intor ra ngaangai' tula maa' raginio mapasau ilo.

IMAMAT 8:6

Ibito' boo ri Musa i Arun am anak-anak nano mongoi ra saang, am baalo' boo upacara mariu' risilo.

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

JUANIS 13:10

Indagu i Jisus riso, “Osoi ayuk nakapariu', mapasau noyo ngaangai' inan nano; am kalayam nano ayuk boo baguin. Mapasau kano, kaa' sala' ka akau ngai'.” (

JUANIS 15:3

Kinapasau kano ru pangilaan ondo' pinasaboi Kuno ramuyun.

JUANIS 15:8

I Ama' katulayon ra akau manangkawa' ra maawas; gitio noyo ra akau mauligan ra maamaya' Kuno.

JUANIS 17:7

Raino nakapandai ilo ra ngaangai' ondo' tinaakan Muli Raki' intor Rirun.

JUANIS 3:5

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon ulun no intor ra timug am Ambiluo ri Aki Kapuuno'.

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

ROMA 10:8

Kon poyo ru Buuk Kitab, “Ragu ri Aki Kapuuno' mamaar ramuyun, masabit min am maguang min.” Gitio noyo tanou ondo' pabalaan mai; musiti' kau mangintopot ri Aki Kapuuno'.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

2 KORINTUS 11:2

Maayo guang kuno ramuyun am i Aki Kapuuno' pana koson raginio. Akau ti karaan koson ra ralaa mapasau toojo ondo' pawatin ku ra rondo' ayuk toojo ungkuyon, ioginio i Kristus.

IPISUS 6:17

Apuo' min noyo pamayagan ti koson ra tupi' basi' am niayuk bala' ri Aki Kapuuno' koson ra ilang ondo' pinongo kalalair ru Ambiluo ri Aki Kapuuno'.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 10:10

Sabap ra paat ri Jisus Kristus nampataak ra painawo Nano ra igondo' ayuk, itakau ngai' inimpasau intor ra tula am ginio sama' ra sabuoi-buoi no. Giminagaya' Io ra kasagaan ri Aki Kapuuno'.

IBRANI 10:14

Sabap ra Io nampataak ra painawo Nano ra igondo' ayuk, tandaan No ra mantilayun ulun ondo' kinapasau noyo intor ra tula.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 13:12

Ginio nai i Jisus pana minatoi giu' ra liwar ru bandar i, maa' raginio, mansail ra raraa' Nano galama' ondo' pinasasar makapamasau Io ra ulun intor ra tula.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

2 PITRUS 1:9

Kaa' osoi ayuk kolondo' paliso raginio, io ti mogondo' ra ulun kalo makakito, sabap ra nalilianan no ra inampun noyo tula nali ragili.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus: