IPISUS 5:19 - Tanou Moonsoi Timugon

¹⁹ Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk.

IPISUS 5:19 ပူးပေါင်းရင်းမြစ်များ

MAZMUR 147:7

Rimbayi' min Tuhan no ra rimbai pangamparan, am kayusi' min i Aki Kapuuno' takano ra jitor.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 86:12

Omporon Tokou ralalom intopot ru guang Kuno, iou Tuhan, i Aki Kapuuno' kuno; potonowon ku katulayan Muno ra sabuoi-buoi no.

MAZMUR 95:2

Uma' takano Riso am maringkuanang, am naansukan marimbai ra rimbai pangamparan.

JISAYA 65:14

Maririmbai ilo am maansukan, kaa' akau mantangi' am malawo guang.

MATIUS 15:8

Ragu ri Aki Kapuuno', ‘Ulun koson raginio mongompor Raki' ra ragu nilono ayuk, kaa' sotopot no guang nilono maalur intor Raki'.

MATIUS 26:30

Kopongo ilo narimbai ra rimbai mongompor ri Aki Kapuuno', ugar ilo ongoi ra Bulur Jaitun.

RINALATAN 16:25

Olo'-olo' tanga' ru rondom, i Paulus am i Silas nakiasi' am narimbai mongompor ri Aki Kapuuno'. Ulun bokon ondo' inaput pana nangkirongog risilo.

1 KORINTUS 14:15

Ginio poyo, atan baalon kuno? Koson ragitio; makiasi' Ambiluo ri Aki Kapuuno' ralalom kuno, kaa' makiasi' aku niayuk mabaya' ra pangkaraan kuno. Marimbai Ambiluo ri Aki Kapuuno' ralalom kuno, kaa' marimbai aku niayuk mabaya' ra pangkaraan kuno.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

JAKUBUS 5:13

Amon ru mokoondo' intor ramuyun makakapaganan, moonsoi ru makiasi' io. Am osoi ayuk maansukan, moonsoi marimbai io mongompor ri Aki Kapuuno'.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.