IPISUS 5:18 - Tanou Moonsoi Timugon

¹⁸ Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

IPISUS 5:18 ပူးပေါင်းရင်းမြစ်များ

KASAUKAN 9:21

Pakainum i Nuu ra wain, kagauk io. Aluso' no ngaangai' bayang nali am pombolong am nagibabaang io ralalom ru kim nano.

MAZMUR 69:12

Bulintok ra aku manulung ra bayang panguliran, kuritin nilo aku.

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

RIMBAI PANGAMPARAN 1:4

Ribaki' noyo, ibito' aku no mabaya' rirun, iou raja' kuno, ibito' aku no ra lamin muno. Okou magibit ra akai maansukan, am mongompor ra laai muno moonsoi poyo ka wain; ginio sabap ra ruandu'-ruandu' malaai rirun.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 5:22

Aibui boo ramuyun, akau mainum-inum. Kalo namimii' pintar mino ra akau mamparatok ra inumon mapait!

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

IMAMAT 10:9

“Pai' noyo okou am anak-anak muno umpos ralalom ru Kim ru Tuhan ra mopongo manginum ra wain kapoam inumon makagauk. Amon ru mumpos kau, matoi kau. Gitio noyo aturan ondo' musiti' gagayaan ru ngaangai' papag muno.

MATIUS 23:25

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Mampaliung kau ra liwar ru sangkir am kakanan min suku' mapasau, kaa' ralalom no majamol, mototop ra baal malaat ra akau mampagaau ra kuliamos am mangingkaut.

MATIUS 24:49

Io pana tumalimpuun boo mampalamba' ra ulipon-ulipon ra bokon no am mangakan am manginum io ra ulun gagaukon.

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 11:13

Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”

LUKAS 12:45

Kaa' amon ru kon ru guang ru ulipon no, ‘Mabuoi sagulian ru tuan kuli,’ am tumalimpuun io mampalamba' ra ulipon ra bokon, ungkuyon am ruandu', mangakan am manginum io saboi magauk,

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

JUANIS 2:10

kono, “Kaindalaman ru ulun, mampasulung galing ra wain moonsoi, am amon ru masuang noyo ininum ru tambului, pasulungon no boo wain ondo' kalo kula' moonsoi. Kaa' okou nambuli ra inumon ondo' moonsoi toojo saboi raino!”

RINALATAN 11:24

I Barnabas ti sangulun moonsoi, mokoondo' ra kuasa' ru Ambiluo ri Aki Kapuuno' am mangintopot toojo ra Tuhan am masuang ulun nangintopot ra Tuhan.

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

1 KORINTUS 11:21

Sabap ra paat ra pagakanan min, sigagama' kau mangakan ra akanon galama' am manginum suku' mokoondo' magauk, kaa' bokon-bokon no maitilan sabap ra kalo matayaran ilo.

1 KORINTUS 5:11

Kaa' ondo' kon kuli, pai' kano latok ra ulun ondo' migiangku ra io Kristian, kaa' mansawa', makalit, sumamba ra sinungkalalaing, manimbaal ra ragu ra ulun bokon, gagaukon, kapoam mantatakou. Gumulung riso mangakan pana am pai'!

1 KORINTUS 6:10

ondo' mantakou, makalit, gagaukon, manimbaal ra ragu ra ulun bokon, am poyo ulun mampagaau – ngaangai' ulun raginio kalo masauk ra ulun ri Aki Kapuuno'.

SAGULION 21:20

Musiti' matuo no mindagu ra tingganai-tingganai no, ‘Bambalingatan anak mai, masaga' gumuor am kalo masaga' gumagaya' ramon; mampalubat am magauk.’

1 TISALONIKA 5:7

Sabap ra paat ra rondom ti ulun mombobolong am rondom ti ulun gumauk.

TITUS 1:6

Sangulun tingganai no musiti' kolondo' sala; musiti' sangulun ayuk andu' nano, am anak-anak nano pana musiti' mangintopot ri Kristus am kalo niayuk kauligan ilo ra maanggal-anggal kapoam mailo balain.