IPISUS 5:14 - Tanou Moonsoi Timugon

¹⁴ Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

IPISUS 5:14 ပူးပေါင်းရင်းမြစ်များ

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 60:1

Tirong no, am kasauk no ra sinda, okou Jirusalim, sabap ra sinda pamayagan muno minatong noyo; I Aki Kapuuno' nanaak rirun ra sinda intor ra katulayan Nano.

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

LUKAS 15:24

Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 9:5

Buoi Aku soroi poyo ra giti, Aku no mampakasinda ra ulun ru tana' ti.”

RINALATAN 13:47

Sabap ra gitio noyo nanusuban ru Tuhan i ramon, ragu Nano, ‘Inaru' Ku noyo ra akau no masauk ra sinda ru ulun sala' ka Jaudi, koson ngaangai' bansa' ru tana' ti bayagon.’ ”

ROMA 6:13

Pai' min polosoo' atan ayuk tayar ru inan mino kuasaan ru tula, koson pambabaal ra malaat. Kaa' polosoo' noyo i Aki Kapuuno' manguasa' ra kaayagan mino, koson ra ulun ondo' binayag noyo saguli' intor ra kapatayan am raino maayag. Taaki' noyo ngaangai' kaayagan mino ri Aki Kapuuno' koson pambabaal ra moonsoi.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

KOLOSI 3:1

Sabap ra pasimpungan min ri Kristus inanian kau ra kaayagan bagu ondo' mogondo' ra akau binayag saguli'. Ginio nai ra kaikango' ayuk toojo guang mino koson mompogogot ra kalangkayaan ru suruga', ioginio panturungan ri Kristus ra takhta ra tampilon pamiris ri Aki Kapuuno'.

1 TISALONIKA 5:6

Ginio ra pai' takano pombobolong ayuk koson ra ulun bokon no, kaa' ilalain am masalok takano tumampos.

2 TIMOTIUS 1:10

kaa' raino bagu pinaintalang mansail ra ratangan ru Mamamayag takau, i Jisus Kristus. Io no namandak ra kuasa' ru kapatayan ondo' manguasa' ra ngaangai' ulun am nagibit ra kaayagan mantilayun mansail ra Tanou Moonsoi ti.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.