IPISUS 4:9 - Tanou Moonsoi Timugon

⁹ Arati' ru “nagaloi Io giu' ra rasawat kaga'”, ioginio, kasaa' no timinuun Io ra tana' ti, am nakasuku' Io poyo ra ragana' toojo.

IPISUS 4:9 ပူးပေါင်းရင်းမြစ်များ

KASAUKAN 11:5

Tauli tuun boo Tuhan mongoi pagilong ra bandar no am manara ondo' binaal ru ulun.

MAZMUR 139:15

Bulintok ra bungul-bungul kuno sinauk, am matuyu' nangatangan Muno ra ralalom ru binunakan ru ina' kuno, liliwa' ra aku tumuu' ra giu' no ondo' kabalu' pana masibuni, mapandayan Mu ra aku soroi ra giu' no.

MAZMUR 63:9

Gumuut aku toojo Rirun, kalindu' Muno ra maikang manungka' raki'.

MAZMUR 8:5

atan kia ulun no saboi Okou mangkara' risilo? Ilo ulun toojo ayuk, kaa' Okou niayuk magalung risilo.

KAINGKUALAN 19:20

Timinuun Tuhan ra rasawat ru tampak Gunung Sinai, am pampiau ri Musa mongoi ra rasawat ru gunung no. Pagaloi i Musa ra gunung,

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

YEHEZKIEL 31:14

Ginio ra intor raino, kolondo' boo puun tataun ondo' tumuu' koson ra sawat raginio kapoam mokoondo' ra untu ondo' makasaboi ra gaun kabalu' pana mokoowot ra timug masuang. Ngaangai' no musiti' matoi koson ra ulun mapandai matoi am tumimung mabaya' ra ulun ondo' timinuun ra intok ru ulun minatoi.”

MATIUS 12:40

Koson ri Junus minayan talu ngoorou am talu ngorondom ralalom tinai' ru papait maayo, mogondo' niayuk ra Anak ru Ulun mayan talu ngoorou am talu ngorondom ralalom tana'.

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

JUANIS 3:13

Kolondo' sangulun pana nakaaloi ra suruga', suai Anak ru Ulun ayuk, ondo' timinuun intor ra suruga'.

JUANIS 6:33

Sabap ra ruti' ondo' taakin ri Aki Kapuuno' sotopot no Io ondo' timinuun intor ra suruga' am manaak ra kaayagan motopot ra ulun ru tana' ti.”

JUANIS 6:38

Sabap ra Aku ti timinuun intor ra suruga' sala' ka mambaal ra kasagaan Kuno galama', kaa' mambaal ra kasagaan ru Io ondo' nanusub Raki'.

JUANIS 6:41

Ginio ra pasabutok ayuk boo ulun ru Jaudi ri Jisus sabap ra minindagu Io ra, “Aku noyo ruti' ondo' timinuun intor ra suruga'.”

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

JUANIS 6:58

Gitio noyo ruti' ondo' timinuun intor ra suruga'; Io ti sala' ka koson ra ruti' ondo' inakan ru kinamatuaan mini, ondo' minatoi niayuk. Kaa' ulun ondo' mangakan ra ruti' ti maayag ra mantilayun.”

JUANIS 6:62

Ati poyo kulaan ru makakito kau ra Anak ru Ulun rumuli' ra intor Nali?

JUANIS 8:14

Taam i Jisus risilo, “Kabalu' pana mampaintutun Aku ra baal Kuno galama', ginio motopot, sabap ra nakapandai Aku ra intor Kuno am angayan Kuno, kaa' akau kalo makapandai ra intor kapoam angayan Kuno.

IBRANI 2:7

Pinainggana' Mu kuasa' mai intor ra kuasa' ru malaikat, kaa' ra kukula' ayuk buoi, bagu nangani' Kou ramon ra kuasa' am urumat,

IBRANI 2:9

Kaa' makito takau i Jisus, ondo' pinainggana' kuasa' Nano intor ra kuasa' ru malaikat ra kukula' ayuk buoi. Maa' boo raginio ralalom ru kataawan ri Aki Kapuuno' matoi Io ra kaatangan ru ngaangai' ulun. Raino makatutun takau ra Io inanian ra kuasa' am urumat sabap ra naimbolo' Io noyo saboi minatoi.